“விஜய் அரசியலுக்கு வருவதை கண்டு அச்சப்படுகின்றனர்”- எஸ்.ஏ.சந்திரசேகர் பேட்டி

விஜய் அரசியலுக்கு வருவதை கண்டு சிலர் அச்சப்படுவதாக அவரது தந்தை எஸ்.ஏ.சந்திரசேகர் தெரிவித்துள்ளார்.

சமீபத்தில் நடைபெற்ற சர்கார் பட ஆடியோ வெளியீட்டு விழாவில் பேசிய நடிகர் விஜய், தொட்டும் தொடாமல் அரசியல் குறித்து பேசினார். விஜயின் இத்ததைய பேச்ச அவரின் வருங்கால அரசியல் வருகையை காட்டுவதாக பலர் கருத்து தெரிவித்தனர். சிலரோ விஜய்க்கு எதிராக தங்களது கருத்துகளை சமூகவலைத்தளங்களில் பதிவிட்டனர். இந்நிலையில் விஜய் அரசியலுக்கு வருவதை கண்டு சிலர் அச்சப்படுவதாக அவரது தந்தை எஸ்.ஏ.சந்திரசேகர் தெரிவித்துள்ளார்.

பாபநாசத்தில் செய்தியாளர்களிடம் பேசிய அவர், “விஜய் மக்களுக்கு நல்லது செய்ய வேண்டும் என தமிழன் என்ற முறையில் விரும்புகிறேன். விஜய் அரசியலுக்கு வந்தால் என்ன தவறு..? மக்களால் உயர்த்தப்பட்டவர் மக்களுக்கு நல்லது செய்ய வந்தால் என்ன தவறு... ? விஜய் அரசியலுக்கு வருவதை கண்டு சிலர் அச்சப்படுகின்றனர்” என தெரிவித்தார்.