ஏழைகளின் கரங்களை வலுப்படுத்தும் பட்ஜெட்: பிரதமர் மோடி

அருண் ஜெட்லி தாக்கல் செய்த மத்திய பட்ஜெட் ஏழைகளின் கரங்களை வலுப்படுத்தும் என பிரதமர் மோடி தெரிவித்துள்ளார்.

மத்திய பட்ஜெட் குறித்து கருத்துத் தெரிவித்த பிரதமர் மோடி, ரயில்வே, பெண்களின் முன்னேற்றம், விவசாயம், என அனைத்து துறைகளிலும் ஏழைகளின் கரங்களை வலுப்படுத்தும் வகையில் பட்ஜெட்டில் தாக்கல் செய்யப்பட்டுள்ளதாக கூறியுள்ளார். விவசாயிகளின் வருமானத்தை இரட்டிப்பாக்குவதே அரசின் நோக்கம் என்றும் வீட்டு வசதித் துறைகளும் வளர்ச்சி பெறும் வகையில் பட்ஜெட் அமைந்துள்ளதாகவும் மோடி தெரிவித்துள்ளார்.

பெண்களின் முன்னேற்றத்திற்கு பட்ஜெட்டில் சிறப்பு முக்கியத்ததுவம் அளிக்கப்பட்டுள்ளதாக மோடி தெரிவித்துள்ளார். பொது, ரயில்வே பட்ஜெட் இணைப்பால் போக்குவரத்து துறை வளர்ச்சியடையும் என்றும் ஊழல், கறுப்புப்பண ஒழிப்பு நடவடிக்கை பட்ஜெட்டில் எதிரொலித்துள்ளதாகவும் பிரதமர் நரேந்திர மோடி தெரிவித்துள்ளார்.