[X] Close
JUST IN
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு

488 அடி உயரம் ஏறிய இளைஞர் - மூடப்பட்ட ஈஃபில் டவர்

eiffel-tower-closes-after-man-found-climbing-the-1-063-ft-monument

ஈஃபில் டவரில் ஒரு இளைஞர் 149 மீட்டர் உயரத்தில் ஏறிய சம்பவத்தையடுத்து, அந்த டவர் தற்காலிகமாக மூடப்பட்டது.

பிரெஞ்ச் தலைநகர் பாரிஸின் அடையாளமாக திகழ்கிறது ஈஃபில் டவர். 324 மீட்டர் உயரம் கொண்ட இந்த டவர், பாரிஸ் நகரத்தின் முக்கிய சுற்றுலாத் தளமாக உலக புகழ் பெற்று விளங்குகிறது. இங்கு நாள்தோறும் ஆயிரக்கணக்கான பார்வையாளர்கள் வந்து செல்கின்றனர். 

இந்நிலையில் இன்று இந்த டவரின் மீது ஒரு இளைஞர் யாருக்கும் தெரியாமல் ஏறத்தொடங்கினார். அவர் பாதியில் ஏறிக்கொண்டிருக்கும்போது அங்கிருந்தவர்கள் கவனித்தனர். இதனால் அங்கு இருந்த சுற்றுலா பயணிகளுக்குள் சலசலப்பு ஏற்பட்டது. அதற்குள் அங்கிருந்து பாதுகாப்பு அதிகாரிகள் ஒடி வந்து, வேடிக்கைப் பார்த்துக்கொண்டிருந்து சுற்றுலாப் பயணிகளை அங்கிருந்து அப்புறப்படுத்தினர். 

அப்போது அந்த இளைஞர் 149 மீட்டர், அதாவது 488 அடி உயரத்தில் ஏறிக்கொண்டிருந்தார். அப்போது அவரிடம் காவல்துறையினர் பேச்சுவார்த்தை நடத்தினர். ஆனால் அந்த இளைஞர் தன்னை தடுத்தால் அங்கிருந்து குதித்துவிடுவேன் என அச்சுறுத்தியதாக கூறப்படுகிறது. நீண்ட நேர போராட்டத்திற்குப் பின்னர் அவர் மீட்கப்பட்டார். இதனால் ஈஃபில் டவர் தற்காலிகமாக மூடப்பட்டது. அதைக்காண வந்த சில பயணிகள் காவல்துறையினரிடம் பேச்சுவார்த்தை நடத்தியும் டவர் மீண்டும் திறக்கப்படவில்லை. டவர் மீது ஏறிய அந்த இளைஞர் ஏற்கனவே 980 அடி கொண்ட கோபுரம் ஒன்றின் மீது ஏறியவர் என்பது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close