[X] Close
JUST IN
  • BREAKING-NEWS ஸ்டெர்லைட் ஆலையில் இருந்து 2124 டன் கந்த அமிலம் அகற்றம்
  • BREAKING-NEWS அரசின் எந்த துறையையும் ஆளுநர் விமர்சித்தது இல்லை: ஆளுநர் மாளிகை விளக்கம்
  • BREAKING-NEWS கர்நாடக முதல்வர் அழுது புலம்பினாலும் செல்லாது - அமைச்சர் ஜெயக்குமார்
  • BREAKING-NEWS சமூகத்தின் மிகப்பெரிய பிரச்னை சாதி; நாட்டில் இன்னும் சாதி வேற்றுமை உள்ளது - ப.சிதம்பரம்
  • BREAKING-NEWS பாஜகவின் பலத்தை எதிர்க்கட்சிகளால் எதிர்கொள்ள முடியாது- தமிழிசை சவுந்தரராஜன்
  • BREAKING-NEWS மாநில உரிமைகளில் ஆளுநர் தொடர்ந்து தலையிடுவதை பொறுத்துக்கொள்ள முடியாது- மு.க.ஸ்டாலின்
  • BREAKING-NEWS மதுரையில் அமைக்கப்பட உள்ள் எய்ம்ஸ் போல் மேலும் ஒரு எய்ம்ஸ் வந்தாலும் நல்லதுதான் - டிடிவி தினகரன்

மலேசியாவில் தீபாவளிப் பண்டிகை: பிரதமர் நஜீப் பங்கேற்பு

malaysia-diwali-celebration-pm-najeeb-participated

இந்தியாவைப் போலவே மலேசியாவிலும் தீபாவளிப் பண்டிகை உற்சாகமாகக் கொண்டாடப்பட்டு வருகிறது.

பத்துமலை உள்ளிட்ட பல்வேறு கோயில்களில் சிறப்பு பூஜைகள் செய்யப்பட்டன. பத்துமலை முருகன் கோயிலில் நடைபெற்ற திறந்த இல்ல உபசரிப்பில் பிரதமர் நஜீ்ப் துன் ரசாக், அமைச்சர் டத்தோ சுப்ரமணியம் உள்ளிட்டோர் கலந்து கொண்டனர். மலேசியாவில் தீபாவளிப் பண்டிகை தேசியத் திருநாளாக கொண்டாடப்படுகிறது.

உலகம் முழுவதும் உள்ள இந்தியர்கள் இன்று தீபத்திருநாளை குதூகலமாக கொண்டாடி வருகின்றனர். அந்த வகையில் இந்தியர்கள் அதிகம் புலம் பெயர்ந்து வாழும் நாடுகளின் ஒன்றான மலேசியாவிலும் தீபாவளிக் கொண்டாட்டம் களை கட்டியுள்ளது.

காலையில் எழுந்து குடும்பத்தோடு வீடுகளில் பூஜைகளை முடித்துக் கொண்டு, ஒன்றாக அமர்ந்து உணவு அருந்திய இந்துக்கள் அதன் பிறகு கடவுள் தரிசனத்திற்காக ஆலயங்களுக்கு வந்தனர். மலேசியாவைப் பொறுத்தவரை தீபாவளி கொண்டாட்டம் என்பது இந்தியர்கள் மட்டும் கொண்டாடும் பண்டிகை அல்ல. மூவின மக்கள் வாழும் நாடு எனும் சிறப்பு அம்சத்தை கொண்டுள்ள மலேசியாவைப் பொறுத்தவரை இது ஒரு தேசியக் கொண்டாட்டமாகும். இதற்கு வலுசேர்க்கும் வகையில் அமைகின்றது திறந்த இல்ல உபசரிப்பு.

ஆண்டு தோறும் நடைபெறும் தீபாவளி திறந்த இல்ல உபசரிப்பு இவ்வருடமும் மிகச்சிறப்பாக பத்துமலை திருத்தலத்தில் நடைப்பெற்றது. இந்த உபசரிப்பில் மலேசிய பிரதமர் டத்தோ ஶ்ரீ நஜிப் துன் ரசாக், சுகாதார அமைச்சர் டத்தோ ஶ்ரீ சுப்ரமணியம் , இதர தேசியத்தலைவர்கள், பிரமுகர்கள், பொதுமக்கள், வெளிநாட்டினர் என திரளானோர் கலந்து கொண்டு சிறப்பித்தனர்.

ஒரு நாடு சுபிட்சமாக இருப்பதை உறுதி செய்வது அந்நாட்டு மக்கள் தங்களின் சமய நம்பிக்கைகளையும் பண்டிகைகளையும் சுதந்திரமாக பின்பற்றுவதே. அந்த வகையில் மலேசிய இந்தியர்கள் பல இனம் கொண்ட நாட்டில் நல்லிணக்கத்தோடும் குதூகலத்தோடும் வாழ்கின்றனர் என்பதை இன்றைய இந்த தீபாவளி கொண்டாட்டமும் திறந்த இல்ல உபசரிப்பும் எடுத்துகாட்டின.

Advertisement:
Advertisement:
Advertisement:
[X] Close