[X] Close
JUST IN
  • BREAKING-NEWS மறைமுகத் தேர்தலுக்கான அவசரச் சட்டத்தை தமிழக அரசு உடனடியாக திரும்பப்பெற வேண்டும் - வேல்முருகன்
  • BREAKING-NEWS ஐ.என்.எக்ஸ் மீடியா வழக்கு: ப.சிதம்பரத்தை 2 நாட்கள் காவலில் எடுத்து விசாரிக்க அமலாக்கத்துறைக்கு அனுமதி
  • BREAKING-NEWS வெப்பச் சலனத்தால் அடுத்த 2 நாட்களுக்கு மிதமான மழைக்கு வாய்ப்பு: வானிலை ஆய்வு மையம்
  • BREAKING-NEWS இலங்கையின் புதிய பிரதமராக பதவியேற்றார் மகிந்த ராஜபக்ச
  • BREAKING-NEWS ராஜீவ் காந்தி கொலை வழக்கில் சிறையில் உள்ள ராபர்ட் பயஸ்-க்கு 30 நாட்கள் பரோல்: சென்னை உயர்நீதிமன்றம்
  • BREAKING-NEWS முல்லைப்பெரியாறு அணை அனைத்து வகையிலும் பாதுகாப்பாக இருக்கிறது - மத்திய அமைச்சர்
  • BREAKING-NEWS சீனாவில் உலகக்கோப்பை துப்பாக்கிச் சுடுதலில் தமிழக வீராங்கனை இளவேனில் தங்கப்பதக்கம்

சென்னை உயர்நீதிமன்ற தலைமை நீதிபதியாக நாளை பதவியேற்கிறார் ஏ.பி.சாஹி

ap-sahi-to-be-sworn-in-as-chief-justice-of-chennai-high-court-tomorrow

சென்னை உயர் நீதிமன்றத்தின் தலைமை நீதியாக நியமிக்கப்பட்டுள்ள ஏ.பி.சாஹி நாளை ஆளுநர் மாளிகையில் பதவி ஏற்க இருப்பதாக சென்னை உயர் நீதிமன்ற தலைமை பதிவாளர் தெரிவித்துள்ளார்.

சென்னை உயர்நீதிமன்றத்தின் தலைமை நீதிபதியாக இருந்த விஜயா கம்லேஷ் தஹில்ரமாணியை மேகாலயா உயர் நீதிமன்றத்திற்கு இடமாற்றம் செய்ததை ஏற்காமல் செப்டம்பர் 6ஆம் தேதி ராஜினாமா செய்தார். தற்போது மூத்த நீதிபதி வினீத் கோத்தாரி பொறுப்பு தலைமை நீதிபதியாக பணியாற்றி வருகிறார்.

அதையடுத்து பாட்னா உயர்நீதிமன்ற தலைமை நீதிபதி அமரேஷ்வர் பிரதாப் சாஹியை சென்னை உயர்நீதிமன்ற தலைமை நீதிபதியாக நியமிக்க உச்ச நீதிமன்ற கொலீஜியம் பரிந்துரைத்தது. அதற்கு குடியரசு தலைவர் ராம்நாத் கோவிந்த் ஒப்புதல் அளித்தார்.

அதன்படி, சென்னை உயர் நீதிமன்றம் 1862ல் உருவாக்கப்பட்டதிலிருந்து 49வது தலைமை நீதிபதியாகவும், சுதந்திர இந்தியாவின் 30வது தலைமை நீபதியாகவும் ஏ.பி சாஹி நாளை பதவி ஏற்று கொள்கிறார் என சென்னை உயர் நீதிமன்ற தலைமை பதிவாளர் சி.குமரப்பன் உறுதிபடுத்தியுள்ளார்.

ஆளுநர் மாளிகையில் காலை 9 மணியளவில் ஆளுநர் பன்வாரிலால் புரோஹித் பதவி பிரமாணம் செய்து வைக்கிறார். இந்த விழாவில் சென்னை உயர் நீதிமன்ற நீதிபதிகள், தமிழக முதல்வர், அமைச்சர்கள், அரசு அதிகாரிகள் உள்ளிட்டோர் கலந்து கொள்கின்றனர். 

பின்னர் 11:30 மணியளவில் சென்னை உயர் நீதிமன்ற வளாகத்தில் வரவேற்பு நிகழ்ச்சி நடைபெற உள்ளது. அதைத்தொடர்ந்து தலைமை நீதிபதி அமர்வில் வழக்குகளை விசாரிக்க தொடங்குவார் சாஹி. 

Advertisement:
இது தொடர்பான செய்திகள் :
Advertisement:
Advertisement:
[X] Close