[X] Close
JUST IN
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது
  • BREAKING-NEWS கர்நாடகா மாநிலத்தின் காங்கிரஸ் எம்எல்ஏக்களை கடத்தியதால்தான் பாஜக தலைவர் அமித்ஷாவுக்கு பன்றிக்காய்ச்சல் வந்தது - பி.கே.ஹரிபிரசாத்
  • BREAKING-NEWS சென்னையில் பெட்ரோல் லிட்டருக்கு ரூ. 73.23 காசுகளாகவும், டீசல் லிட்டருக்கு ரூ. 68.62 காசுகளாகவும் விலை நிர்ணயம்
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்

தூத்துக்குடி துப்பாக்கிச்சூடு : அறிக்கை தாக்கல் செய்ய சிபிஐக்கு உத்தரவு

high-court-madurai-bench-ordered-to-cbi-submit-the-report-for-thoothukudi-gun-fire

தூத்துக்குடி துப்பாக்கிச்சூடு சம்பவம் விவகாரத்தில் முதல் தகவல் அறிக்கையில் அடையாளம் தெரியாதவர்கள் என குறிப்பிடப்பட்டுள்ளது தொடர்பாக அறிக்கை தாக்கல் செய்ய சிபிஐக்கு உயர்நீதிமன்ற மதுரைக்கிளை உத்தரவிட்டுள்ளது.

Image result for cbi in thoothukudi

தூத்துக்குடியைச் சேர்ந்த அர்ஜூனன் உட்பட 7 பேர் உயர் நீதிமன்ற மதுரைக் கிளையில் நீதிமன்ற அவமதிப்பு வழக்கினைத் தாக்கல் செய்திருந்தனர். அதில் "தூத்துக்குடியில் துப்பாக்கிச்சூட்டிக் 13 பேர் உயிரிழந்தது தொடர்பாக உயர் நீதிமன்ற மதுரைக்கிளை சிபிஐ விசாரணை நடத்த உத்தரவிட்டனர்.  ஆனால் சிபிஐ இதுவரை காவல்துறையினர், அதிகாரிகள் மீது வழக்கு பதிவு செய்யப்படவில்லை. துப்பாக்கிச்சூடு தொடர்பாக சிப்காட் காவல்துறையினர் பதிவு செய்திருந்த வழக்கில் 8.10.2018-ல் மீண்டும் முதல் தகவல் அறிக்கை பதிவு செய்தனர். அதில் காவல்துறையினர் மற்றும் அதிகாரிகள் மீது வழக்கு பதிவு செய்யக்கோரி நாங்கள் அளித்த புகாரின் பேரில் சிபிஐ வழக்கு பதிவு செய்யாதது உயர் நீதிமன்ற தீர்ப்பை அவமதிப்பு செய்வதாகும்.

Image result for cbi in thoothukudi

இது தொடர்பாக சிபிஐ இணை இயக்குனருக்கு 12.10.2018-ல் வழக்கறிஞர் நோட்டீஸ் அனுப்பினோம். அதன் பிறகும் நீதிமன்ற உத்தரவுபடி எங்களின் புகாரின் பேரில் காவல்துறையினர், அதிகாரிகள் மீது சிபிஐ வழக்கு பதிவு செய்யவில்லை. இதனால் சிபிஐ இணை இயக்குனர் பிரவீன் சின்ஹா மீது நீதிமன்ற அவமதிப்பு நடவடிக்கை எடுக்க வேண்டும்" என மனுவில் கூறப்பட்டிருந்தது.

Image result for madurai high court
இந்த வழக்கு நீதிபதிகள் சசிதரன், ஆதிகேசவலு அமர்வு முன்பு விசாரணைக்கு வந்தது. அப்போது சிபிஐ தரப்பில், முதல் தகவல் அறிக்கை பதிவு செய்யப்பட்டுள்ளதாக தெரிவித்தனர். அதற்கு மனுதாரர் தரப்பில் ஆஜாரான வழக்கறிஞர் மறுப்பு தெரிவித்தார். காவல்துறை கண்காணிப்பாளர் மகேந்திரன் உள்பட குறிப்பிட்ட 7 பேர் மீது புகார் அளிக்கப்பட்ட நிலையில், அவர்களின் பெயர் சிபிஐயின் முதல் தகவல் அறிக்கையில் இல்லை என்றார். அந்த இடங்களில் அடையாளம் தெரியாதவர்கள் என்றே குறிப்பிடப்பட்டுள்ளதாகவும் தெரிவிக்கப்பட்டது. இதனையடுத்து சிபிஐ தரப்பில் அறிக்கை தாக்கல் செய்ய உத்தரவிட்டு வழக்கு விசாரணையை ஜனவரி 21 ஆம் தேதி ஒத்திவைத்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close