[X] Close
JUST IN
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS சிபிஐ இயக்குநர் அலோக் வர்மா மீதான குற்றச்சாட்டு பற்றிய வழக்கை நாளைக்கு ஒத்திவைத்தது உச்சநீதிமன்றம்
  • BREAKING-NEWS நெஞ்சுவலி காரணமாக மக்களவை துணை சபாநாயகர் தம்பிதுரை, சென்னை ஆயிரம் விளக்கில் உள்ள அப்போலோ மருத்துவமனையில் அனுமதி

சுனாமி, தானே, வர்தா வரிசையில் ‘கஜா’ - எதிர்கொள்ள தயாரான ககன்தீப்சிங் பேடி  

cuddalur-gagandeepsing-bedi-byte-about-kaja

சுனாமி, தானே, வர்தா புயலின் போது துரிதமாக செயல்பட்ட ஐஏஸ் அதிகாரி ககன்தீப்சிங் பேடி தற்போது ‘கஜா’ புயலை எதிர்கொள்ள தயார் நிலையில் இருப்பதாக தெரிவித்துள்ளார். 

வங்க கடல் பகுதியில் உருவாகியுள்ள ‘கஜா’ புயல் சென்னைக்கு கிழக்கே 430 கி.மீ தொலைவிலும் நாகை வடகிழக்கே 510 கி.மீ தொலைவிலும் நிலை கொண்டுள்ளது. இது நாளை கடலூர் பாம்பன் இடையே கரையை கடக்க வாய்ப்பு உள்ளதாக வானிலை ஆய்வு மையம் தெரிவித்துள்ளது. 

இதனால் இன்று நள்ளிரவு முதல் கடலோர மாவட்டங்களில் மழை பெய்ய வாய்ப்பு உள்ளது என தெரிவிக்கப்பட்டுள்ளது. ‘கஜா’ புயலினால் கடலூர், நாகை, தஞ்சை உள்ளிட்ட 6 கடலோர மாவட்டங்களுக்கு பள்ளி கல்லூரிகள் விடுமுறை அளிக்கப்பட்டுள்ளது. 

கடலூர் மாவட்டத்தில் பேரிடர் மீட்பு சிறப்பு அதிகாரி ககன் தீப்சிங் பேடி தலைமையில் இன்று உயர் அதிகாரிகள் கூட்டம் நடைபெற்றது. 
பின்னர், சிறப்பு அதிகாரி ககன்தீப்சிங்பேடி கடலூர் தேவனாம்பட்டினம், தாழங்குடா, கடலூர் துறைமுகப் பகுதிகளில் ஆய்வு செய்தார். 

பின்னர் செய்தியாளர்களை சந்தித்த அவர், 2,3 நாட்களுக்கு தேவையான குடிநீரை சேமித்து வைத்துக்கொள்ள வேண்டும் எனவும் காற்று வேகமாக வீசினால் மின்கம்பங்கள் சாயலாம் என்பதால் செல்போன்களை சார்ஜ் செய்து கொள்ளுங்கள் எனவும் பொதுமக்களுக்கு அறிவுறுத்தியுள்ளார்.

‘கஜா’ புயலை எதிர்கொள்ள பொதுப்பணித்துறை மூலமாக ரூ.140 கோடி ஒதுக்கப்பட்டுள்ளதாகவும் கடலூர் மாவட்டத்தில் ‘கஜா’ புயலை எதிர்கொள்ள பல்வேறு முன் எச்சரிக்கை நடவடிக்கைகளை மேற்கொண்டுள்ளதாகவும் தெரிவித்துள்ளார். 

கடலூர் மாவட்ட பேரிடர் மீட்பு சிறப்பு அதிகாரி ககன் தீப்சிங் பேடி சுனாமியின்போது துரிதமாக செயல்பட்டு பல்வேறு சேதங்களில் இருந்து மக்களை காப்பாற்றிய பெருமைக்குறியவர். தானே புயலின்போதும் இரவும் பகலும் கடலூரில் முகாமிட்டு மீட்பு பணிகளை செவ்வன செய்து மக்களின் நன்மதிப்பை பெற்றவர் ககன்தீப் சிங் பேடி. 

சுனாமியின்போது கடலூர் கலெக்டராக இவர் செய்த சேவையை பாராட்டி சிறப்பு பேரிடர் குழு நிர்வாகியாக பதவி உயர்வு அளித்தார் அப்போதைய முதலமைச்சர் ஜெயலலிதா. சீக்கியரான ககன் தீப்சிங் பேடி தமிழில் நன்றாக பேசும் திறமையுடைவர். சுனாமி, தானே, வர்தா வரிசையில் ‘கஜா’ புயலையும் எதிர்கொள்ள தயார் நிலையில் இருப்பதாக ககன் தீப்சிங் பேடி தெரிவித்துள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close