[X] Close
JUST IN
  • BREAKING-NEWS 2016 டிசம்பர் 4ஆம் தேதி மாலை 5.15 மணிக்கே ஜெயலலிதா இறந்துவிட்டார் - திவாகரன்
  • BREAKING-NEWS கமலுடன் கூட்டணி வைப்பது பற்றி காலம்தான் பதில் சொல்லும் - ரஜினிகாந்த்
  • BREAKING-NEWS இந்திய அணிக்கு எதிரான 2ஆவது டெஸ்ட் போட்டியில் வெற்றி பெற்று தொடரை கைப்பற்றியது தென்னாப்ரிக்க அணி
  • BREAKING-NEWS கூடுதல் பணி செய்ய போக்குவரத்து தொழிலாளர்களை கட்டாயப்படுத்துதல், விடுமுறை தர மறுப்பதற்கு விஜயகாந்த் கண்டனம்
  • BREAKING-NEWS சுகோய் போர் விமானத்தில் பறந்த அனுபவம் மறக்க முடியாதது - பாதுகாப்புத்துறை அமைச்சர் நிர்மலா சீதாராமன்
  • BREAKING-NEWS டெல்லி மருத்துவக்கல்லூரியில் தமிழ் மாணவர் சரத்பிரபுவின் மரணம் அதிர்ச்சி அளிக்கிறது - பா.ரஞ்சித்
  • BREAKING-NEWS இதுவரை ரிசர்வ் வங்கி வெளியிட்டுள்ள அனைத்து விதமான ரூ.10 நாணயங்களும் செல்லும் - ரிசர்வ் வங்கி
  • BREAKING-NEWS இன்ஸ்பெக்டர் பெரிய பாண்டியனை சுடவில்லை என ராஜஸ்தான் கொள்ளையன் நாதூராம் வாக்குமூலம்
  • BREAKING-NEWS அரசாங்கம் என்பது அனைத்து மதங்களுக்கும் சமமான ஒரு அரசாக இருக்க வேண்டும்- விஜயகாந்த்
  • BREAKING-NEWS எம்ஜிஆர் நூற்றாண்டு விழாவிற்கு பிரதமரின் வருகையை உறுதி செய்ய டெல்லி செல்கிறார் ஓபிஎஸ்
  • BREAKING-NEWS டெல்லி எய்ம்ஸ் மருத்துவமனையில் திருப்பூர் மாணவர் சரத்பிரபு கழிவறையில் சடலமாக கண்டெடுப்பு
  • BREAKING-NEWS கோவில்பட்டியில் பாலத்தின் மீது வேன் மோதி விபத்து- 6 பேர் பலி
  • BREAKING-NEWS சிறந்த தலைவரும், திரைப்பட கலைஞருமான எம்ஜிஆரை அவரது பிறந்த நாளில் நினைவு கூர்வோம்- மம்தா பனர்ஜி
  • BREAKING-NEWS சிவகாசியில் பட்டாசு உற்பத்தியாளர்களின் போரட்டம் 23 ஆவது நாளாக தொடர்கிறது
தமிழ்நாடு 05 Jan, 2018 08:46 AM

போக்குவரத்து ஊழியர்களின் திடீர் வேலைநிறுத்தம் : பொதுமக்கள் அவதி

the-sudden-strike-of-state-transport-workers

அரசுப் போக்குவரத்து ஊழியர்களின் திடீர் வேலைநிறுத்தம் காரணமாக தமிழகத்தின் பெரும்பாலான பகுதிகளில் பேருந்துகள் இயக்கப்படவில்லை. இதனால் பயணிகள் பெரிதும் அவதிக்குள்ளாகியுள்ளனர். 

போக்‌குவரத்து தொழிற்சங்கங்களின் வேலை நிறுத்தத்தால் தமிழகம் முழுவதும் பொதுமக்கள் கடுமையாக பாதிக்கப்பட்டுள்ளனர். போக்குவரத்து தொழிலாளர்களின் ஊதியத்தை உயர்த்துவதாக தமிழக அரசு அறிவித்த நிலையில், அது போதாது எனக்கூறி தொமுச, சிஐடியு உள்ளிட்ட தொழிற்சங்கங்கள் காலவரையற்ற வேலைநிறுத்தப் போராட்டத்தை அறிவித்தன.

சென்னையில் அமைச்சர் விஜயபாஸ்கர் முன்னிலையில் நடைபெற்ற பேச்சுவார்த்தையில் 2.44 காரணி ஊதிய உயர்வு வழங்குவதாக அரசு தரப்பில் தெரிவிக்கப்பட்டது. ஆனால் தங்களுக்கு 2.57 காரணி ஊதிய உயர்வு தேவை எனக்கூறி சிஐடியு, தொமுச உள்ளிட்ட தொழிற்சங்கங்கள் தெரிவித்து வேலைநிறுத்தத்தில் இறங்கின.

அரியலூர் மாவட்டத்தில் 140 பேருந்துகளில் தற்போது 25பேருந்துகள் மட்டுமே இயக்கப்படுகின்றன. தஞ்சை மாவட்டத்தில் 200 பேருந்துகள் இயக்க வேண்டிய நிலையில் அங்கு 11பேருந்துகள் மட்டுமே இயக்கப்படுகின்றன. நெல்லை மண்டலத்திற்கு உட்பட்ட 24 கோட்டங்களில் 1800 பேருந்துகளில் 220 பேருந்துகள் மட்டுமே தற்போது இயங்குகிறது. திருச்சி நகர் மற்றும் புறநகருக்கான 750 பேருந்துகளில் 4 மட்டுமே இயக்கப்படுகின்றன. திருச்சியிலிருந்து தொலைதூரத்துக்குச் செல்லும் பேருந்துகளில் ஒன்று கூட இயங்கவில்லை.கரூர் மாவட்டத்தில் 80% பேருந்துகள் இயக்கப்படாத நிலையில், தற்காலிக ஓட்டுநர்கள் மூலம் இயக்க நடவடிக்கை எடுக்கப்பட்டு வருகிறது.சென்னையில் தற்காலிக ஓட்டுநர்களின் மூலமே பேருந்துகள் இயக்கப்படுகின்றன்.

நேற்று மாலை தொடங்கிய இவ்வேலை நிறுத்தம் இன்றும் தொடர்கிறது. இதனால் பள்ளி, கல்லூரி செல்லும் மாணவர்களும் பணிக்கு செல்பவர்களும் பெரிதும் பாதிக்கப்பட்டுள்ளனர்.இந்நிலையில் அண்ணா தொழிற்சங்க ஊழியர்களை வைத்து பேருந்துகள் இயக்கப்படும் என அரசு தரப்பில் தெரிவிக்கப்பட்டுள்ளது. இதற்கிடையில் மாநிலத்தின் பல்வேறு பகுதிகளில் இயங்கும் தனியார் பேருந்துகள், மினி பேருந்துகளில் கூடுதல் கட்டணம் வசூலிப்பதாக பயணிகள் புகார் தெரிவிக்கின்றனர்.
 

வீடியோ

Advertisement:
Advertisement:
Advertisement:
[X] Close