[X] Close
JUST IN
  • BREAKING-NEWS ஸ்டெர்லைட் ஆலையை ஆய்வு செய்யும் குழுவின் முதல் கூட்டம் சென்னையில் செப்.24ஆம் தேதி காலை 10 மணிக்கு நடைபெறுகிறது
  • BREAKING-NEWS மகாத்மா காந்தியின் 150ஆவது பிறந்தநாள் விழா லோகோவை டெல்லியில் வெளியிட்டார் ஜனாதிபதி ராம்நாத் கோவிந்த்
  • BREAKING-NEWS ஸ்டெர்லைட் ஆலையில் நிபுணர் குழுவின் ஆய்வை ஒத்திவைக்க வேண்டும் என மத்திய மாசுக் கட்டுப்பாடு வாரியத்திற்கு தமிழக மாசுக்கட்டுப்பாடு வாரியம் கடிதம்
  • BREAKING-NEWS பாஜக அரசால்தான் விவசாயிகளின் வருவாய் இரட்டிப்பாகும் - அமித்ஷா
  • BREAKING-NEWS சுதந்திர இந்தியாவில் முதல் பெண் ஐஏஎஸ் அதிகாரி காலமானார்
  • BREAKING-NEWS சென்னையில் ஆட்டோ, ஷேர் ஆட்டோ கட்டணம் உயர்வு
  • BREAKING-NEWS புழல் சிறையில் வார்டன்கள் அதிரடி இடமாற்றம்

வறுமையால் தடைபட்ட கல்வி: உதவிக்காக ஏங்கி நிற்கும் மாணவியின் குடும்பம்

poor-student-expect-money-for-her-higher-studies

பிளஸ் 2 பொதுத்தேர்வில் 1,050 மதிப்பெண்கள் பெற்று பிசியோதெரபி பயின்று வந்த மாணவியின் கல்வி, கட்டணம் செலுத்த பணம் இல்லாததால் தடைப்பட்டுள்ளது. இதனால் மாணவியின் குடும்பம் உதவிகரம் கேட்டு நிற்கிறது.

சேலம் மாவட்டம் மேட்டூர் அருகே பி.என்.பட்டி பேரூராட்சிக்கு உட்பட்ட தொட்டில்பட்டி பகுதியை சேர்ந்தவர் சீனிவாசன்-தங்கம் தம்பதியினர். வறுமையான குடும்ப சூழலிலும் எப்படியாவது தங்களது இரண்டாவது மகள் நிவேதாவை மருத்துவராக பார்க்க வேண்டும் என்பது அவர்களின் லட்சியமாக இருந்தது. அதற்கேற்ப பிளஸ் 2 பொதுத் தேர்வில் 1050 மதிப்பெண்களுடன், 180 கட் ஆஃப் மதிப்பெண்கள் பெற்றிருந்ததால் எப்படியும் மருத்துவர் ஆகிவிடலாம் என்ற கனவுடன் இருந்தார் நிவேதா. ஆனால் நீட் தேர்வினால் மருத்துவம் படிக்கும் வாய்ப்பு பறிபோனதாக வேதனையுடன் தெரிவிக்கிறார் நிவேதாவின் சகோதரி.

இதனால் கோவையில் உள்ள தனியார் கல்லூரியில் பிசியோதெரஃபி பாடப்பிரிவில் சேர்ந்துள்ளார் நிவேதா. ஆனால் குடும்ப சக்தியையும் மீறி பணம் தேவைபடுவதால் தற்போது நிவேதாவின் கல்வி தடைபட்டுள்ளது. இதனால் ஆதரவு கரத்தை தேடி நிற்கிறார். சாலையோரத்தில் சிறிய அளவிலான டீ கடை வைத்து தொழில் நடத்தி வரும் மாணவியின் தாயார், தங்களது வருமானம் குடும்ப செலவிற்கே போதுமானதாக இல்லை என்று வேதனையுடன் தெரிவித்துள்ளார். எனவே, அந்த குடும்பமே தங்கள் பிள்ளையின் மேற்கல்விக்காக கண்ணீர் மல்க உதவிக்காக ஏங்கி நிற்கிறது.

'ஊதுகுழலைக் கையில் எடுக்கும் பெண்கள் எழுதுகோலைக் கையில் எடுக்க வேண்டும்' என்ற கூற்று நனவாக கல்விக்காக ஏங்கும் மாணவிக்கு உதவ முன்வர வேண்டும் என்பதே மக்களின் எதிர்பார்ப்பாக உள்ளது.

வீடியோ

Advertisement:
Advertisement:
Advertisement:
[X] Close