[X] Close
JUST IN
  • BREAKING-NEWS இந்தியா, தென்னாப்ரிக்கா இடையே ராஞ்சியில் இன்று தொடங்குகிறது மூன்றாவது டெஸ்ட் போட்டி
  • BREAKING-NEWS பில்லூர் அணை நிரம்பியதால் பவானி ஆற்றங்கரையோர மக்களுக்கு வெள்ள அபாய எச்சரிக்கை. 7 மாவட்டங்களில் கனமழை தொடரும் என வானிலை மையம் தகவல்
  • BREAKING-NEWS நாங்குநேரி, விக்கிரவாண்டி தொகுதிகளில் இன்று மாலையுடன் முடிகிறது பரப்புரை
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

“ஒரு கோப்பையையாவது ரவி சாஸ்திரி வென்று காட்ட வேண்டும்” - கங்குலி

ravi-shastri-has-to-win-big-tournaments-to-justify-appointment-sourav-ganguly

தன்னை மீண்டும் இந்திய அணியின் தலைமை பயிற்சியாளராக நியமித்ததற்காக ரவிசாஸ்திரி தன்னுடைய தலைமையில் ஒரு பெரிய கோப்பையையாவது வென்று காட்ட வேண்டும் என்று முன்னாள் கேப்டன் சவுரவ் கங்குலி கூறியுள்ளார்.

இந்திய அணியின் தலைமைப் பயிற்சியாளராக ரவி சாஸ்திரி சமீபத்தில் நியமிக்கப்பட்டார். இவர் 2021ம் ஆண்டு வரை பயிற்சியாளராக நீடிப்பார். விராட் கோலி - ரவிசாஸ்திரி இணைந்து பல முக்கியமான போட்டிகள் மற்றும் தொடர்களை வென்றுள்ளார்கள். ஆனால், ஒரு ஐசிசி கோப்பையை கூட இந்த இணை வெல்லவில்லை. அதனால், ரவி சாஸ்திரி மீண்டும் பயிற்சியாளராக நியமிக்கப்பட்ட போது சில விமர்சனங்கள் எழுந்தன.

           

இந்நிலையில், ரவிசாஸ்திரி மீண்டும் தலைமைப் பயிற்சியாளராக நியமிக்கப்பட்டுள்ளது குறித்து சவுரவ் கங்குலி தன்னுடைய கருத்துக்களை தெரிவித்துள்ளார். இந்தியா டுடேவுக்கு அவர் அளித்த பேட்டியில், “ரவி சாஸ்திரி நியமனம் சரியானதுதான். இந்திய அணி ஏற்கனவே வலுவாகதான் இருந்தது. இப்போது அப்படிதான் இருக்கிறது. அதனால், மீண்டும் இந்திய அணியின் தலைமைப் பயிற்சியாளராக நியமித்ததற்காக ரவிசாஸ்திரி தன்னுடைய தலைமையில் ஒரு பெரிய கோப்பையையாவது வென்று காட்ட வேண்டும்.

               

திறமையான வீரர்களுக்கு பற்றாக்குறை இல்லை. விராட் கோலி, ரோகித் சர்மா, ஹர்திக் பாண்ட்யா, குல்தீப், ரிஷப் பண்ட் மற்றும் ஷிகர் தவான் உள்ளிட்டோர் இருக்கிறார்கள். 2015 உலகக் கோப்பை அரையிறுதி, 2016 டி20 உலகக் கோப்பை தற்போது 2019 உலகக் கோப்பை ஆகியவற்றில் தோல்வி அடைந்துள்ளோம். நாக் அவுட் போட்டிகளில் வெல்வதற்கான வழிகளை அவர் கண்டறிய வேண்டும். அதுதான் சரிசெய்யப்பட வேண்டிய பிரச்னை” எனக் கூறியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close