[X] Close
JUST IN
  • BREAKING-NEWS அதிமுகவை அழித்து அமமுக வளர்ச்சி பெறுவது என்பது முடியாதது- தங்க தமிழ்ச்செல்வன்
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

பரிசுத்தொகையை வீரர்களின் குடும்பங்களுக்கு அளித்த விதர்பா அணி!

vidarbha-retain-irani-cup-players-donate-prize-money-for-martyrs-families

இரானி கோப்பை கிரிக்கெட் போட்டியில் வெற்றி பெற்றதை அடுத்து, வழங்கப்பட்ட பரிசுத் தொகையை, புல்வாமா தாக்குதலில் வீரமரணம் அடைந்த வீரர்களின் குடும்பங்களுக்கு விதர்பா அணி கொடுத்தது.

பைஸ் பஸல் தலைமையிலான, நடப்பு ரஞ்சி சாம்பியன் விதர்பா மற்றும் ரஹானே தலைமையிலான ரெஸ்ட் ஆப் இந்தியா அணிகள் மோதிய இரானி கோப்பை கிரிக்கெட் போட்டி, நாக்பூரில் நடந்து வந்தது. முதல் இன்னிங்சில் ரெஸ்ட் ஆப் இந்தியா அணி, 330 ரன்கள் எடுத்தது. தொடக்க ஆட்டக்கார மயங்க் அகர்வால் 95 ரன்னும் ஹனுமா விஹாரி 114 ரன்னும் எடுத்தனர்.

தொடர்ந்து, தனது முதல் இன்னிங்சை தொடங்கிய விதர்பா அணி 425 ரன் குவித்தது. அந்த அணியின் அக்‌ஷய் கர்னேஸ்வர் 102 ரன் எடுத்தார். இது, இவருக்கு முதல் சதம். ரெஸ்ட் ஆப் இந்தியா சார்பில் ராகுல் சாஹர் 4 விக்கெட்டுகளை வீழ்த்தினார்.

 அடுத்து 95 ரன்கள் பின்தங்கிய நிலையில் 2 வது இன்னிங்சை தொடங்கிய ரெஸ்ட் ஆப் இந்தியா அணி, 3 விக்கெட்டுக்கு 374 ரன் எடுத்து டிக்ளேர் செய்தது. விஹாரி இந்த இன்னிங்ஸிலும் சதம் அடித்து அசத்தினார்.

பின்னர் விதர்பா அணி, இரண்டாவது இன்னிங்ஸை தொடங்கியது. நேற்றைய ஆட்ட நேர முடிவில் 5 விக்கெட் இழப்புக்கு 269 ரன் எடுத்தது. இதனால் போட்டி டிராவில் முடிவடைந்தது.

முதல் இன்னிங்ஸில் எடுத்த முன்னிலையின் அடிப்படையில், விதர்பா அணி சாம்பியன் கோப்பையை கைப்பற்றியது. அந்த அணி தொடர்ந்து 2வது முறையாக இரானி கோப்பையை கைப்பற்றியுள்ளது குறிப்பிடத்தக்கது.

பின்னர் வழங்கப்பட்ட பரிசுத் தொகையை, புல்வாமா தாக்குதலில் வீரமரணமடைந்த  வீரர்களுக்கு விதர்பா அணி வழங்குவதாக அறிவித்தது. 

Advertisement:
Advertisement:
Advertisement:

[X] Close