[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

187 ரன் எடுத்ததே பெரிய விஷயம்: புஜாரா

one-of-the-toughest-pitches-i-ve-played-on-pujara

நான் விளையாடியதிலேயே கடினமானது ஜோகன்னஸ்பர்க் ஆடுகளம் தான் என்று இந்திய கிரிக்கெட் வீரர் புஜாரா கூறினார்.

தென்னாப்பிரிக்க அணியுடனான மூன்றாவது டெஸ்ட் கிரிக்கெட் போட்டியில் இந்திய அணி முதல் இன்னிங்ஸில் 187 ரன்களுக்கு சுருண்டது. 
ஜோகன்னஸ்பர்க்கில் நடைபெறும் போட்டியில் டாஸ் வென்று முதலில் பேட்டிங் செய்த இந்திய அணியில், தொடக்க வீரர்களான ராகுல் ரன் எதுவும் எடுக்காமலும், முரளி விஜய் 8 ரன்களிலும் விக்கெட்டை இழந்தனர். புஜாரா 50 ரன்களிலும், கேப்டன் கோலி 54 ரன்களிலும் வெளியேறினார். ர‌ஹானே 9 ரன்களிலும், பார்த்திவ் படேல் 2 ரன்களிலும் விக்கெட்டை பறிகொடுத்தனர். ஹர்திக் பாண்ட்யா ரன் எதுவும் எடுக்காமல் ஆட்டமிழந்து ஏமாற்றமளித்தார். புவனேஷ்வர் குமார் 30 ரன்கள் எடுத்தார். 

போட்டிக்கு பின் செய்தியாளர்களிடம் பேசிய புஜாரா, ‘இந்த பிட்ச்-சில் 187 ரன்கள் எடுத்ததே பெரிய விஷயம்தான். இது, மற்ற பிட்ச்-சில் 300 ரன்கள் எடுப்பதற்கு சமம். நான் விளையாடியதிலேயே கடினமான ஆடுகளம் இதுதான். ரன்கள் எடுக்க கஷ்டமாக இருந்தது. இருந்தாலும் நிதானமாக ஆடி, ரன்கள் எடுத்துள்ளோம். அதே போல தென்னாப்பிரிக்க வீரரின் விக்கெட்டையும் வீழ்த்தியுள்ளோம். பந்துவீச்சாளர்கள் சிறப்பாக செயல்பட்டால், இந்தப் போட்டியில் வெல்ல வாய்ப்பிருக்கிறது. அதன்படி இன்றைய நாள், நம் அணிக்கு சிறப்பான ஒன்று. நான் முதல் ரன்னை எடுத்ததும் ரசிகர்கள் கைதட்டியது பற்றி கேட்கிறீர்கள். நான் எத்தனை பந்துகளை சந்தித்தேன் என்பதை பார்க்கவில்லை. ரன் எடுப்பதில் மட்டுமே கவனம் செலுத்தினேன். கடந்த போட்டியில் இரண்டு இன்னிங்ஸிலும் ரன் அவுட் ஆனது துரதிர்ஷ்டமானது. டெஸ்ட் போட்டியில் ரன் அவுட் ஆவதை எந்த கிரிக்கெட் வீரரும் விரும்ப மாட்டார்கள். அதை மறந்துவிட்டு அடுத்த கட்டத்துக்கு வந்துவிட்டேன். இன்றைய (நேற்று) போட்டியில் ஆடிய விதம் மகிழ்ச்சியாக இருந்தது’ என்றார். 

Advertisement:
இது தொடர்பான செய்திகள் :
Advertisement:
Advertisement:
[X] Close