[X] Close
JUST IN
  • BREAKING-NEWS மக்களவை தேர்தலையொட்டி சென்னையில் 113 காவல் ஆய்வாளர்களை இடமாற்றம் செய்து ஆணையர் ஏ.கே.விஸ்வநாதன் உத்தரவு
  • BREAKING-NEWS விவசாயிகளுக்கு பட்ஜெட்டில் அறிவித்தபடி ரூ.6ஆயிரம் 3 தவணையாக ரூ.2 ஆயிரம் வீதம் வழங்கப்பட உள்ளது
  • BREAKING-NEWS ஏழை தொழிலாளர்களின் வங்கி கணக்கில் ரூ. 2 ஆயிரம் வழங்கும் திட்டத்தை ஜெயலலிதா பிறந்தநாளான வரும் 24ம் தேதி தொடங்கி வைக்கிறார் முதல்வர் பழனிசாமி
  • BREAKING-NEWS திமுக கூட்டணியில் காங்கிரசுக்கான தொகுதிப்பங்கீடு பற்றி அண்ணா அறிவாலயத்தில் நாளை அறிவிக்கப்படும் - டெல்லியில் கே.எஸ்.அழகிரி பேட்டி
  • BREAKING-NEWS 21 தொகுதி இடைத்தேர்தல்களிலும் அதிமுகவுக்கு பாஜக முழு ஆதரவு அளிப்பதாக தீர்மானம் - பியூஷ் கோயல், துணைமுதல்வர் ஓபிஎஸ் கூட்டாக பேட்டி
  • BREAKING-NEWS 2019 மக்களவை தேர்தலில் அதிமுக-பாஜக கூட்டணி உறுதியானது; அதிமுக கூட்டணியில் பாஜகவுக்கு 5 தொகுதிகள் ஒதுக்கப்பட்டுள்ளன
  • BREAKING-NEWS மக்களவை தேர்தலுக்கான திமுக-காங்கிரஸ் கூட்டணி நாளை அறிவிக்கப்படும் என காங்கிரஸ் கமிட்டியின் மாநில தலைவர் கே.எஸ்.அழகிரி தகவல்

உலகின் பணக்கார "வெப்பன் சப்ளையர்" மரணம்

arms-dealer

சவுதி அரேபியாவைச் சேர்ந்த உலகின் பெரும் பணக்காரர்களில் ஒருவரான அத்னான் கஷ்ஷோகி தனது 82வது வயதில் மரணடைந்தார். 

ஹாலிவுட்டின் பிரபல நடிகர் நிக்கோலஸ் கேஜ் நடித்த திரைப்படம் "லார்ட் ஆஃப் வார்ஸ்". இந்த படத்தின் நாயகன் சாதாரண நடுத்தர குடும்பத்தில் பிறந்த ஒருவன், ஆயுதங்களை இருநாடுகளுக்குள் இடையே விற்பனை செய்து உலகின் பணக்காரராக மாறுவார். இந்த கதையின் கருவே, அத்னான் கஷ்ஷோகி தான். சவுதி அரேபியா மன்னரின் மருத்துவருக்கு மகனாக பிறந்த அத்னான் கஷ்ஷோகியின் முன்னோர்கள் துருக்கி நாட்டிலிருந்து சவுதிக்கு இடம்பெயர்ந்தவர்கள். சிறுவயதிலிருந்து ஆயுதங்கள் மீது நாட்டம் கொண்டிருந்த அத்னானுக்கு தன்னுடைய குடும்ப வியாபாரத்தில் எப்போதுமே நாட்டம் இருந்ததில்லை. 1960களில் முதல்முறையாக அமெரிக்காவிலிருந்து ஆயுதங்களை சவுதிக்கு பேரம் பேசி வெற்றிகரமாக முடித்த அத்னானுக்கு அதன்பின் தான் தன்னுடைய உண்மையான திறமை புரிந்தது. அதன்பின் பிற அரபு நாடுகளான கத்தார், குவைத், மற்றும் பல மத்திய கிழக்கு நாடுகளுக்கு ஆயுதங்களை பேரம் பேசி முடித்தார். 

ஒவ்வொரு முறையில் பேரம் பேசி முடிக்கும் போது அபரிவிதமான பணம் அவர் மடியில் கொட்ட ஆரம்பித்தது. உலகின் மொத்த பணக்காரர்களையும் நண்பராக்கி கொண்டார். பல நாட்டின் ராணுவ தளபதிகளும், அதிபர்களும் கூட அவருக்கு நண்பர்களாகினர். அத்னான் கொண்டாட்டங்களுக்கு மிகவும் பெயர் போனவர். ஒவ்வொரு முறை பல லட்சம் கோடி பேரங்களை முடித்ததும் அவர் வைக்கும் பார்ட்டிகள் பல நாட்களுக்கு தொடர்ந்து நடக்கும். அதில் பல உலக தலைவர்கள் மற்றும் ராணுவ தளபதிகள் கலந்துக்கொள்வார்கள். அமெரிக்காவின் தற்போதைய அதிபர் டிரம்பிடம் உள்ள சொகுசு கப்பலான "டிரம்ப் பிரின்ஸஸ்" அத்னானிடம் வாங்கியது தான் என்று கூறப்படுகிறது. இந்த படகு ஜோம்ஸ் பாண்ட் படத்திலும் பயன்படுத்தப்பட்டுள்ளது. 

அத்னான் கஷ்ஷோகி பேரம் பேசி முடித்த ஆயுதங்களால் பல லட்ச குடும்பங்கள் சின்னாபின்னமாகி இருந்தாலும், அவர் தன்னுடைய கடைசி காலம் வரை குடும்பத்துடன் ஒன்றாக சந்தோஷமாக வாழ்ந்து தற்போது மறைந்துள்ளார். தன்னுடைய 82வது வயதில் அவர் மரணமடையும் போது அவர் தன் பிள்ளைகள் மற்றும் பேரப்பிள்ளைகளுடன் மிக சந்தோஷமாக வாழ்ந்து வந்திருக்கிறார். அவர், பார்கின்சன் நோய்க்கு சிகிச்சை பெற்று பலனளிக்காமல் போனதால் மரணமடைந்துள்ளார். ஆனால் அவரால் விற்பனை செய்யப்பட்ட துப்பாக்கிகள் இன்றும் உலகின் ஏதோ ஒருமூலையில் ஏராளமானவர்களை அனாதையாக்கிக்கொண்டு தான் இருக்கிறது.   

Advertisement:
Advertisement:
Advertisement:
[X] Close