[X] Close
JUST IN
  • BREAKING-NEWS தமிழக அரசு ஊழியர்களுக்கு 3% அகவிலைப்படி உயர்வு அறிவித்து அரசாணை வெளியீடு
  • BREAKING-NEWS கருத்துக்கணிப்புகளுக்குப்பின் பாஜக இருக்கிறது என கூறி எதிர்க்கட்சியினர் ஊடகங்களை உதாசீனம் செய்கிறார்கள் - தமிழிசை சவுந்தரராஜன்
  • BREAKING-NEWS கருத்துக்கணிப்புகள் திமுகவுக்கு சாதகமாக வந்தாலும் பாதகமாக வந்தாலும் அதை பொருட்படுத்துவதில்லை- தமிழகத்தில் திமுக பெரும்பான்மை இடங்களை பிடிக்கும் என்ற கருத்துக்கணிப்பு பற்றி மு.க.ஸ்டாலின் பேட்டி
  • BREAKING-NEWS தேசிய பங்குச்சந்தை குறியீட்டெண் நிஃப்டி 284 புள்ளிகள் உயர்ந்து 11,691ல் வர்த்தகம்
  • BREAKING-NEWS மும்பை பங்குச்சந்தை குறியீட்டெண் சென்செக்ஸ் 888.91 புள்ளிகள் உயர்ந்து 38,819ல் வர்த்தகம்
  • BREAKING-NEWS டெல்லியில் இன்று ராகுல் காந்தி, சோனியா காந்தியை மாயாவதி சந்திக்கவில்லை - பி.எஸ்.பி.
  • BREAKING-NEWS சென்னையில் பெட்ரோல் லிட்டருக்கு ரூ. 73.82 காசுகளாகவும், டீசல் லிட்டருக்கு ரூ. 69.88 காசுகளாகவும் விலை நிர்ணயம்

கேமிங், வீடியோ உள்ளிட்ட புதிய வசதிகளை அறிமுகப்படுத்திய ஆப்பிள்!

everything-announced-at-apple-s-big-march-presentation

வாடிக்கையாளர்களை கவரும் வகையில், ஆப்பிள் நிறுவனம் கேமிங், வீடியோ உள்ளிட்ட புதிய வசதிகளை அறிமுகம் செய்துள்ளது.

மக்களை கவரும் செல்போன்கள், மேக் என எல்லாவற்றிலும் போட்டி நிறுவனங்கள் ஆயிரம் வந்தாலும் ஆப்பிள் நிறுவன பொருட்களுக்கு இன்று வரை தனி மதிப்பு உள்ளது. அதன்விலை அதிகம் இருந்தாலும் தயாரிப்பில் இருக்கும் சிறப்பம்சங்கள் ஆப்பிள் நிறுவன பொருட்களை வாங்க மக்களை ஆர்வம் காட்டச் செய்கிறது. புதுப்புது சிறப்பம்சங்கள், அப்டேட்டுகள், லேட்டஸ்ட் தொழில்நுட்பங்கள் என ஆப்பிள் நிறுவன பொருட்கள் என்றும் முன்மாதிரியாகவே திகழ்கிறது.

இந்நிலையில் கேமிங், வீடியோ உள்ளிட்ட புதிய வசதிகளை ஆப்பிள் நிறுவனம் அறிமுகம் செய்துள்ளது. ஆப்பிள் நிறுவனத்தின் புதிய வசதிகளை அறிமுகப்படுத்தும் நிகழ்ச்சி, அமெரிக்காவின் கலிஃபோர்னியாவில் உள்ள அதன் தலைமை அலுவலகத்தில் நடைபெற்றது. இந்நிகழ்ச்சியில் கலந்து கொண்ட அந்நிறுவனத்தின் முதன்மை செயல் அலுவலர் டிம் குக் புதிய வசதிகள் குறித்து விளக்கம் அளித்தார். 

அதன்படி தொலைக்காட்சி நிகழ்ச்சிகளை விளம்பர இடையூறின்றி பார்க்கும் விதத்தில் ஆப்பிள் டிவி ப்ளஸ் (APPLE TV PLUS ) என்படும் சேவை அறிமுகம் செய்யப்பட்டது. தற்போது சந்தையில் பிரபலமாக உள்ள நெட்பிலிக்ஸ், அமேசான், கூகுள் ஆகியவற்றுக்கு போட்டியாக இச்சேவை இருக்கும் எனத் தெரிகிறது.

ஆப்பிள் நியூஸ் ப்ளஸ் (APPLE NEWS PLUS) என்று அழைக்கப்படும் செயலி வாயிலாக பிரபல செய்தித்தாள்கள் மற்றும் வார இதழ்களை எளிதாக படிக்க முடியும். மாதத்திற்கு 10 டாலர் தொகையை செலுத்தி இச்சேவையை பெறலாம். கேம் பிரியர்களை கவரும் வகையில், ஆப்பிள் ஆர்கேட் எனும் செயலி‌, அறிமுகப்படுத்தப்படுகிறது.

இந்த சேவை முதல்கட்டமாக 150 நாடுகளில் கிடைக்கும் என அறிவிக்கப்பட்டுள்ளது. இதுதவிர, அமெரிக்க வாழ் மக்களுக்காக டிஜிட்டல் பேமண்ட் வசதியும், கிரடிட் கார்ட் வசதியையும் ஆப்பிள் நிறுவனம் தொடங்கவிருப்பதாக தெரிவித்துள்ளது.
 

Advertisement:
Advertisement:
Advertisement:
[X] Close