[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 75.59 காசுகளாகவும், டீசல் லிட்டருக்கு ரூ. 70.59 காசுகளாகவும் விலை நிர்ணயம்
  • BREAKING-NEWS காரைக்குடியில் அனுமதியின்றி தேர்தல் அலுவலகம் திறந்த புகாரில், சிவகங்கை மக்களவை தொகுதியில் போட்டியிடும் அமமுக வேட்பாளர் தேர்போகி பாண்டி மீது காரைக்குடி போலீசார் வழக்குப்பதிவு
  • BREAKING-NEWS ஓபிஎஸ் மகன் அதிமுகவிற்காக பல ஆண்டுகளாக உழைத்து வருகிறார்; அதனால் அவரை வேட்பாளராக அறிவித்ததில் எந்த தவறும் இல்லை - அமைச்சர் கே.சி.வீரமணி
  • BREAKING-NEWS நெதர்லாந்து நாட்டின் உட்ரெச் நகரில் மர்ம நபர் ஒருவர் நடத்திய துப்பாக்கிச்சூட்டில் ஏராளமானோர் படுகாயமடைந்துள்ளனர்
  • BREAKING-NEWS நேர்காணலுக்கு கூட வராமல், தான் தேர்தலில் போட்டியிடுவதாக சி.கே.குமரவேல் அறிவித்தது கட்சி கட்டுப்பாடுகளுக்கு முரணான செயல் - ஜனநாயக முறைப்படி நடைபெற்ற வேட்பாளர் தேர்வுமுறைக்கு எதிராக செயல்பட்டதால் மக்கள் நீதி மய்யம் கட்சித் தலைமை அவரின் ராஜினாமாவை ஏற்றுக்கொள்கிறது
  • BREAKING-NEWS கோடநாடு கொலை, கொள்ளை வழக்கில் சயான், மனோஜ் உட்பட 10பேரை மார்ச் 27ல் மீண்டும் ஆஜர்படுத்த காவல்துறைக்கு உதகை நீதிமன்றம் உத்தரவு
  • BREAKING-NEWS சென்னையில் பெட்ரோல் லிட்டருக்கு ரூ. 75.52 காசுகளாகவும், டீசல் லிட்டருக்கு ரூ. 70.87 காசுகளாகவும் விலை நிர்ணயம்

அதிமுக கூட்டணியில் தேமுதிகவுக்கு 4 தொகுதிகள் - கையெழுத்தானது ஒப்பந்தம்

dmdk-joins-nda-alliance-in-tn-dmdk-gets-4-seats-in-admk-alliance

சென்னை தனியார் ஹோட்டலில் அதிமுக, தேமுதிக இடையே தேர்தல் ஒப்பந்தம் கையெழுத்தானது.

மக்களவை தேர்தலை முன்னிட்டு தமிழகத்தில் அதிமுக தலைமையில் மெகா கூட்டணி அமைக்கும் முயற்சிகள் நடைபெற்று வந்தது. பாமக 7, பாஜக 5 மக்களவை தொகுதிகள் ஒதுக்கீடு செய்யப்பட்டன. பாமகவுக்கு கூடுதலாக ஒரு மாநிலங்களவை தொகுதியும் ஒதுக்கப்பட்டது. புதிய நீதிக்கட்சி, புதிய தமிழகம் கட்சிகளுக்கு தலா ஒரு இடம் ஒதுக்கப்பட்டது. 

முதலில் பாஜகவுடன் தேமுதிக நேரடியாக பேசி வந்தது. பின்னர், திமுக மற்றும் அதிமுக இரண்டு கூட்டணிகளுடனும் தேமுதிக பேசி வருவதாக பிரேமலதா தெரிவித்தார். திமுக, அதிமுகவில் பெரும்பாலான கட்சிகள் கூட்டணி அமைத்துவிட்ட நிலையில், தேமுதிக மட்டும் எவ்வித முடியும் எடுக்காமல் இருந்து வந்தது. 

              

திமுக பேச்சுவார்த்தையை நிறுத்திய பிறகு, அதிமுக தேமுதிக இடையே நேரடியாக பேச்சுவார்த்தை நடைபெற்று வந்தது. இருப்பினும் கூட்டணி பேச்சுவார்த்தை ஒரு முடிவுக்கு வராமல் நீடித்துக் கொண்டே சென்றது. கடந்த 6ம் தேதி பிரதமர் மோடி கலந்து கொண்ட பொதுக்கூட்டத்திலும் தேமுதிக கலந்து கொள்ளவில்லை. அன்று எப்படியும் கூட்டணி பேச்சுவார்த்தை முடிந்துவிடும் என்று எதிர்பார்க்கப்பட்ட நிலையில், பேச்சுவார்த்தை தொடர்ந்தது. 

         

இந்நிலையில், அதிமுக - தேமுதிக இடையேயான கூட்டணி பேச்சுவார்த்தையில் நீடித்து வந்த இழுபறி முடிவுக்கு வந்தது. சென்னையில் உள்ள தனியார் விடுதியில், அதிமுக - தேமுதிக இடையே கூட்டணி ஒப்பந்தம் இன்று கையெழுத்தானது. கூட்டணி ஒப்பந்தத்தில் அதிமுக சார்பில் ஓபிஎஸ்-ஈபிஎஸ், தேமுதிக சார்பில் விஜயகாந்த் கையெழுத்திட்டனர். தேமுதிகவுக்கு 4 மக்களவை தொகுதிகள் ஒதுக்கீடு செய்யப்பட்டுள்ளதாக கூறப்படுகிறது. 21 தொகுதிகளுக்கான இடைத்தேர்தலில் அதிமுகவுக்கு தேமுதிக ஆதரவு அளிக்கும் என்று ஒப்பந்தம் போடப்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close