[X] Close
JUST IN
  • BREAKING-NEWS டெல்லி அர்பித் பேலஸ் ஓட்டல் தீ விபத்தில் 17பேர் உயிரிழந்த சம்பவத்தில், தலைமறைவாக இருந்த ஓட்டல் உரிமையாளர் ராகேஷ் கோயலை கைது செய்தது டெல்லி குற்றப்பிரிவு போலீஸ்
  • BREAKING-NEWS கோவை: செட்டிபாளையத்தில் ஜல்லிக்கட்டு போட்டியை அமைச்சர் எஸ்.பி.வேலுமணி தொடங்கி வைத்தார்; ஜல்லிக்கட்டில் 700க்கும் மேற்பட்ட காளைகள், 600க்கும் மேற்பட்ட மாடுபிடி வீரர்கள் பங்கேற்பு
  • BREAKING-NEWS சென்னையில் பெட்ரோல் லிட்டருக்கு ரூ. 73.28 காசுகளாகவும், டீசல் லிட்டருக்கு ரூ. 69.57 காசுகளாகவும் விலை நிர்ணயம்
  • BREAKING-NEWS புல்வாமா தாக்குதலை தொடர்ந்து டெல்லியில் உள்துறை அமைச்சர் ராஜ்நாத் சிங் தலைமையில் நாளை அனைத்துக் கட்சி கூட்டம் நடைபெறுகிறது
  • BREAKING-NEWS தமிழகத்தில் மார்ச் 10ம் தேதி தீவிர போலியோ சொட்டு மருந்து முகாம் நடைபெறும்
  • BREAKING-NEWS புல்வாமா பயங்கரவாத தாக்குதலை தொடர்ந்து பாகிஸ்தானில் உள்ள இந்திய தூதர் டெல்லி திரும்ப மத்திய அரசு உத்தரவு
  • BREAKING-NEWS புல்வாமா பயங்கரவாத தாக்குதலுக்கு பாகிஸ்தான் பதில் சொல்லியே ஆக வேண்டும்; சரியான, உறுதியான பதிலடி கொடுக்கப்படும் - மத்திய அமைச்சர் நிதின் கட்கரி

“தேச துரோகி பட்டத்தை மரியாதையுடன் ஏற்போம்” - ஸ்டாலின்

stalin-speech-in-trichy-about-modi-government

பாஜகவை எதிர்ப்பவர்கள் தேச துரோகி என்றால் அந்தப் பட்டத்தை மரியாதையுடன் ஏற்றுக்கொள்கிறோம் என திமுக தலைவர் ஸ்டாலின் தெரிவித்துள்ளார்.

திருச்சியில் விடுதலை சிறுத்தைகள் கட்சியின் சார்பில் தேசம் காப்போம் என்ற மாநாடு நடைபெற்று வருகிறது. இதில் திமுக தலைவர் ஸ்டாலின் கலந்து கொண்டு பேசினார். அப்போது, பாஜகவை எதிர்ப்பவர்கள் தேச துரோகி என்றால் அந்தப் பட்டத்தை மரியாதையுடன் ஏற்றுக்கொள்கிறோம் எனவும் ரஃபேல் ஒப்பந்த பேரத்தில் முறைகேடு நடைபெறவில்லை என ஆதாரத்துடன் பாஜக அரசு நிரூபிக்க வேண்டும் எனவும் வலியுறுத்தினார்.

பொருளாதார ரீதியாக இட ஒதுக்கீடு வழங்குவதை நாங்கள் தவறு என்று கூறவில்லை எனவும் பொருளாதார ரீதியான இடஒதுக்கீடு சமூக நீதியை சீர்குலைக்கும் எனவும் தெரிவித்தார்.

சமூக நீதியை குழிதோண்டி புதைப்பதுதான் மோடியின் மனுநீதி எனவும் ஏழைத்தாயின் மகன் எனக்கூறும் மோடி செய்யக்கூடிய வேலையா இது எனவும் ஸ்டாலின் கேள்வி எழுப்பினார். 

பொருளாதார ரீதியான இட ஒதுக்கீடு என்பது அம்பேத்கரை அவமானப்படுத்தும் செயல் எனவும் அநீதி ஆட்சிக்கு உதாரணமாக மோடி அரசு உள்ளது எனவும் ஸ்டாலின் குற்றம் சாட்டினார். 

பாஜகவும் அதிமுகவும் கூட்டணி அமைத்து வந்தாலும் தனித்தனியாக வந்தாலும் அவர்களை திமுக வீழ்த்தும் எனவும் தேசத்தை யார் ஆட்சி செய்கிறார்களோ அவர்களால் ஆபத்து வந்துள்ளதால் தேசம் காப்போம் மாநாடு நடத்தப்படுவதாகவும் எடுத்துரைத்தார்.

அந்நிய நாட்டில் இருந்து ஆபத்து வந்தால் மட்டுமே தேசம் காப்போம் என்ற முழக்கம் எழ வேண்டும் எனவும் தேசத்தை காக்கவே பாஜகவை எதிர்த்து கொண்டிருப்பதாகவும் குறிப்பிட்ட ஸ்டாலின், நாட்டில் மிகவும் மலிவான ரப்பர் ஸ்டாம்ப் என்னவென்றால் தேச துரோகி என்ற முத்திரைதான் என தெரிவித்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close