[X] Close
JUST IN
  • BREAKING-NEWS பிரதமர் மோடி சீன அதிபர் ஜின்பிங் சந்திக்கவுள்ள மாமல்லபுரத்தில் சீன அதிகாரிகள் ஆய்வு
  • BREAKING-NEWS அடுத்த 3 நாட்களுக்கு தமிழகத்தில் மழை நீடிக்க வாய்ப்பு. 14 மாவட்டங்களில் கனமழை பெய்யக்கூடும் - ‌வானிலை மையம்
  • BREAKING-NEWS நீட் ஆள்மாறாட்டம் விவகாரத்தில் தேடப்பட்டு வரும் மாணவர் உதித் சூர்யா முன்ஜாமீன் மனு
  • BREAKING-NEWS சென்னை உயர்நீதிமன்ற தலைமை நீதிபதி தஹில் ரமானியின் ராஜினாமா ஏற்பு. பொறுப்பு தலைமை நீதிபதியாக வினீத் கோத்தாரி நியமனம்.
  • BREAKING-NEWS 7 நாள் பயணமாக அமெரிக்காவுக்கு புறப்பட்டுச் சென்றார் பிரதமர் மோடி

ப.சிதம்பரத்தை கைது செய்தது சிபிஐ 

delhi-p-chidambaram-taken-away-in-a-car-by-probe-agency-officials

டெல்லியில் உள்ள ப.சிதம்பரம் இல்லத்தில் சிபிஐ மற்றும் அமலாக்கத்துறை அதிகாரிகள்  அவரைக் கைது செய்துள்ளனர்.

ஐ.என்.எக்ஸ் மீடியா வழக்கு தொடர்பாக டெல்லியில் உள்ள காங்கிரஸ் தலைமையகத்தில் முன்னாள் நிதியமைச்சர் ப.சிதம்பரம் செய்தியாளர்களுக்குப் பேட்டி அளித்தார். ப.சிதம்பரம் பேட்டி அளிப்பதை அறிந்து காங்கிரஸ் தலைமை அலுவலகத்திற்கு சிபிஐ அதிகாரிகள் வந்தனர். ஆனால், பேட்டியை முடித்துவிட்டு ப.சிதம்பரம் டெல்லியில் உள்ள தன்னுடைய வீட்டிற்கு சென்றுவிட்டார். அதனையடுத்து, ப.சிதம்பரம்  காரை பின் தொடர்ந்து அவர்கள் சென்றனர். 

ப.சிதம்பரம் இல்லத்திற்கு சிபிஐ அதிகாரிகள் விரைந்து வந்தனர். அவரது வீட்டின் கதவுகள் திறக்கப்படாததால் சிபிஐ அதிகாரிகள் இல்லத்திற்குள் சுவர் ஏறி குதித்து உள்ளே சென்றனர். ப.சிதம்பரத்திற்கு சிபிஐ அதிகாரிகள் மீண்டும் சம்மன் வழங்க வாய்ப்புள்ளதாக தெரிகிறது. பின்னர், அமலாக்கத்துறை அதிகாரிகளும் ப.சிதம்பரம் வீட்டிற்கு வந்தனர்.

சட்டம்-ஒழுங்கு பிரச்னை ஏற்படும் என சிபிஐ அதிகாரிகள் கோரியதால் ப.சிதம்பரம் இல்லத்திற்கு டெல்லி போலீசார் வருகை புரிந்துள்ளனர். இல்லத்திற்கு முன்பு அதிகாரிகள் குவிக்கப்பட்டுள்ளதால் அவர் கைது செய்யப்படலாம் என தெரிகிறது. ப.சிதம்பரம் வீட்டிற்கு முன்பாக காங்கிரஸ் தொண்டர்கள் திரண்டு ஆர்ப்பாட்டத்தில் ஈடுபட்டுள்ளனர். 

இறுதியாக, டெல்லியில் உள்ள ப.சிதம்பரத்தை சிபிஐ அதிகாரிகள் கைது செய்தனர். அவரை சிபிஐ அதிகாரிகள் அவர்களுடைய காரில் அழைத்துச் சென்றனர். ப.சிதம்பரம் உடன் காங்கிரஸ் மூத்த தலைவர்களும் வழக்கறிஞர்களுமான அபிஷேக் மனு சிங்கி மற்றும் கபில் சிபில் உடன் சென்றனர்.

இதனையடுத்து, டெல்லியில் உள்ள ரோஸ் அவின்யூ நீதிமன்றத்தில் நாளை ப.சிதம்பரம் ஆஜர்படுத்தப்பட உள்ளதாக கூறப்படுகிறது.

 

Advertisement:
இது தொடர்பான செய்திகள் :
Advertisement:
Advertisement:
[X] Close