[X] Close
JUST IN
  • BREAKING-NEWS விக்கிரவாண்டி சட்டப்பேரவை தொகுதி இடைத்தேர்தலில் திமுக சார்பில் நா.புகழேந்தி போட்டி
  • BREAKING-NEWS 2023-ஆம் ஆண்டுக்குள் தனியார் ரயில் சேவையைக் கொண்டுவர மத்திய அரசு திட்டம்
  • BREAKING-NEWS கர்நாடகத்தில் பெய்து வரும் கனமழை காரணமாக மேட்டூருக்கு வரும் நீரின் அளவு இன்று இரவுக்குள் 50 ஆயிரம் கன அடியை எட்டும் - ஜல்சக்தி துறை அமைச்சகம்
  • BREAKING-NEWS தமிழகத்தில் வளிமண்டல மேலடுக்கு சுழற்சியால் 14 மாவட்டங்களில் 2 நாட்களுக்கு கனமழை பெய்ய வாய்ப்பு
  • BREAKING-NEWS விலை உயர்வு: ரூ.8 லட்சம் மதிப்புள்ள 100 மூட்டை வெங்காயம் கொள்ளை!

அடுத்த காங்கிரஸ் தலைவர் இன்றிரவு அறிவிப்பு?

next-congress-leader-will-be-finalised-today

காங்கிரஸ் கட்சியின் அடுத்த தலைவர் இன்று இரவுக்குள் அறிவிக்கப்படுவார் என்று கூறப்படுகிறது.

காங்கிரஸ் காரிய கமிட்டி கூட்டம் டெல்லியில் இன்று காலை கூடியது. இதில் ‌கட்சியின் முன்னணி தலைவர்களான சோனியா காந்தி, ராகுல் காந்தி, மன்மோகன் சிங், குலாம்நபி ஆசாத், ப.சிதம்பரம், ஆதிர் ரஞ்ஜன் சவுத்ரி, பிரியங்கா காந்தி, ஜோதிர்‌ ஆதித்ய சிந்தியா உள்ளிட்டோர் பங்கேற்றனர். தமிழக காங்கிரஸ் தலைவர் கே.எஸ்.அழகிரி உள்ளிட்ட மாநில நிர்வாகிகளும் கலந்து கொண்டனர். 

காங்கிரஸ் காரியக் கமிட்டியில் 5 குழுக்களாகப் பிரிக்கப்பட்டு கட்சியின் புதிய தலைவரைத் தேர்வு செய்வதற்கான ஆலோசனை நடைபெற்றது. மதியம் சுமார் 12.30 மணியளவில், காரியக் கமிட்டிக் கூட்டத்திலிருந்து சோனியா காந்தியும், ராகுலும் வெளியேறினார்கள். கட்சிக்கு புதிய தலைவரைத் தேர்வு செய்வதற்கான குழுவில் தங்களின் பங்களிப்பு தேவையில்லை என்பதால் கூட்டத்திலிருந்து வெளியேறியதாக சோனியா காந்தி விளக்கமளித்துள்ளார்.

இந்நிலையில் புதிய தலைவரை தேர்வு செய்வதற்காக இன்று இரவு 8.30 மணியளவில் காங்கிரஸ் காரிய கமிட்டி மீண்டும் கூடுகிறது. அதன் முடிவில் அடுத்த காங்கிரஸ் தலைவர் யார் என்பதை அறிவிப்பார்கள் என்று கூறப்படுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close