[X] Close
JUST IN
  • BREAKING-NEWS இந்தியா மற்றும் மேற்கிந்திய தீவுகள் அணிகள் இடையிலான முதல் டெஸ்ட் கிரிக்கெட் போட்டி இன்று தொடங்குகிறது
  • BREAKING-NEWS டெல்லி சிறப்பு நீதிமன்றத்தில் இன்று ஆஜர்படுத்தப்படுகிறார் ப.சிதம்பரம். காவலில் எடுத்து விசாரிக்க சிபிஐ அதிகாரிகள் நடவடிக்கை
  • BREAKING-NEWS அமலாக்கத்துறை, சிபிஐ மூலம் ப.சிதம்பரத்தின் நற்பெயரை கெடுக்க மோடி அரசு முயற்சிக்கிறது - ராகுல் காந்தி

நாடாளுமன்ற கூட்டத் தொடர் ஆக.,2 வரை நீட்டிப்பு?

five-more-hectic-days-for-government-in-parliament

நாடாளுமன்ற கூட்டத் தொடர் வரும் ஆகஸ்ட் 2ம் தேதி வரை நீட்டிக்கப்படலாம் எனத் தகவல்கள் வெளியாகியுள்ளன.

பிரதமர் மோடி தலைமையிலான அரசு மீண்டும் பதவியேற்றவுடன் முதல் நாடாளுமன்ற கூட்டத் தொடர் கடந்த ஜூன் மாதம் 17ஆம் தேதி தொடங்கியது. இந்தக் கூட்டத்தொடரில் மத்திய பட்ஜெட் இம்மாதம் 5ஆம் தேதி தாக்கல் செய்யப்பட்டது. இதனைத் தொடர்ந்து பட்ஜெட் மீதான விவாதம் நடைபெற்று வந்த நிலையில் மக்களவையில் கடந்த வியாழக்கிழமை பட்ஜெட் தொடர்பான மசோதா நிறைவேற்றப்பட்டது. இந்தக் கூட்டத் தொடர் வரும் 26ம் தேதியுடன் முடிவடைகிறது. 

இந்நிலையில், பட்டியலிடப்பட்டிருந்த அனைத்து மசோதாக்களையும் நிறைவேற்றும் வகையில் இந்தக் கூட்டத் தொடரை ஆகஸ்ட் 2ம் தேதி வரை நீட்டிக்க மத்திய அரசு முடிவு செய்திருப்பதாக தகவல்கள் வெளியாகியுள்ளன. கூட்டத் தொடரை நீட்டிப்பது தொடர்பாக மத்திய அமைச்சர்கள், எதிர்க்கட்சித் தலைவர்களுடன் பேச்சுவார்த்தை நடத்தி வருவதாகவும் கூறப்படுகிறது. 

அதே சமயம் இந்த பரிந்துரைக்கு சில எதிர்க்கட்சித் தலைவர்கள் எதிர்ப்பு தெரிவித்து வருவதாக கூறப்படுகிறது. இந்தக் கூட்டத் தொடரில் 13 மசோதாக்கள் நிறைவேற்றப்படாமல் நிலுவையில் உள்ளது. அத்துடன் பட்ஜெட் மீதான விவாதம் மாநிலங்களவையில் இன்னும் நிலுவையில் உள்ளது. மேலும் முத்தலாக் தொடர்பான அவசர சட்டம் மசோதாவும் நிலுவையில் உள்ளது குறிப்பிடத்தக்கது. 

Advertisement:
Advertisement:
Advertisement:
[X] Close