[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

‘எனக்கு எதுவும் ஞாபகம் இல்லை’ - மீடூ புகாரில் எம்.ஜே.அக்பரிடம் குறுக்கு விசாரணை

i-don-t-remember-fiery-day-in-court-as-mj-akbar-questioned-by-priya-ramanis-lawyer

மீடூ பாலியல் புகாரில் முன்னாள் மத்திய அமைச்சர் எம்.ஜே.அக்பரிடம் குறுக்கு விசாரணை நடத்தப்பட்டது.

முன்னாள் மத்திய அமைச்சர் எம்.ஜே.அக்பர் மீது பத்திரிகையாளர் பிரியா ரமணி மீடூ ஹேஷ்டேக் மூலம் கடந்த ஆண்டு பாலியல் குற்றச்சாட்டுக்களை முன் வைத்தார். அக்பர் பத்திரிகையாளராக பணியாற்றியபோது தனக்கு பாலியல் தொல்லைகள் கொடுத்ததாக அவர் கூறியிருந்தார். அந்தப் புகாரை தொடர்ந்து எம்.ஜே.அக்பர் தன்னுடைய அமைச்சர் பதவியை ராஜினாமா செய்தார். பத்திரிகையாளர் ரமணி மீது அவமதிப்பு வழக்கையும் தொடர்ந்தார்.

                       

இந்த நிலையில், எம்.ஜே.அக்பர் தொடர்ந்த வழக்கு இன்று விசாரணைக்கு வந்தது. கூடுதல் தலைமை மெட்ரோபோலிடன் நீதிபதி சமர் விஷால் முன்பு எம்.ஜே.அக்பர் ஆஜரானார். பத்திரிகையாளர் ரமணி தரப்பில் மூத்த வழக்கறிஞர் ரெபேக்கா ஜான் ஆஜரானார். அவர் எம்.ஜே.அக்பரை குறுக்கு விசாரணை செய்தார்.

அப்போது, ஆசியன் ஏஜ் பத்திரிகையில் ரமணி இணைந்தது குறித்து அக்பரிடம் கேள்வி எழுப்பப்பட்டது. ஆனால், பெரும்பாலான கேள்விகளுக்கு ‘எனக்கு ஞாபகமில்லை’ என்ற பதிலையே அவர் கூறினார். அதேபோல், தவறான நோக்கத்தின் அடிப்படையிலும், தன்னை அவமதிக்கும் நோக்கிலுமே இந்தப் புகார் கூறப்பட்டுள்ளதாக அவர் தெரிவித்தார்.

           

சுமார் இரண்டு மணி நேரம் இந்த விசாரணை நடைபெற்றது. பின்னர், இந்த வழக்கு விசாரணை மே 20ம் தேதிக்கு ஒத்திவைக்கப்பட்டது.

Advertisement:
இது தொடர்பான செய்திகள் :
Advertisement:
Advertisement:
[X] Close