[X] Close
JUST IN
  • BREAKING-NEWS நாடாளுமன்ற குளிர்கால கூட்டத்தொடர் நவம்பர் 18ஆம் தேதி தொடங்கவுள்ளதாக தகவல்
  • BREAKING-NEWS என்னைக் கைது செய்தால் கவலைப்படமாட்டேன்; ஆனால் ராஜிவ்காந்தியை ஆதரித்தவர்களை நான் கைது செய்வேன் - சீமான்
  • BREAKING-NEWS கல்கி ஆசிரமத்துக்கு சொந்தமான இடங்களில் நடைபெற்ற சோதனையில் ரூ.20 கோடி பறிமுதல் - வருமானவரித்துறை
  • BREAKING-NEWS திருச்சி லலிதா ஜுவல்லரி நகைக்கொள்ளை வழக்கு: கொள்ளையன் முருகனை 8 நாட்கள் காவலில் வைத்து விசாரிக்க பெங்களூரு குற்றவியல் நீதிமன்றம் அனுமதி
  • BREAKING-NEWS கோவை பாரதியார் பல்கலைக்கழக துணை வேந்தராக பி.காளிராஜை நியமித்தார் ஆளுநர் பன்வாரிலால் புரோஹித்
  • BREAKING-NEWS இனி வியாழக்கிழமை தோறும் டெங்கு ஒழிப்பு தினம் - சுகாதாரத்துறை
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு

"கம்யூ., கட்சி அலுவலகத்துக்குள் வைத்து பாலியல் வன்கொடுமை'' கேரள பெண் புகார்

kerala-woman-alleges-rape-inside-cpi-m-s-local-office

தன்னை மார்க்சிஸ்ட் கம்யூனிஸ்ட் கட்சி அலுவலகத்துக்குள் வைத்து பாலியல் வன்கொடுமை செய்ததாக 21 வயது பெண் காவல் நிலையத்தில் புகார் அளித்துள்ள சம்பவம் கேரளாவில் பரபரப்பை ஏற்படுத்தியுள்ளது.

இந்த சம்பவம் குறித்து ஹிந்துஸ்தான் டைம்ஸ் செய்தி வெளியிட்டுள்ளது. அதன்படி,கேரளாவில் கடந்த சனிக்கிழமை பிறந்து சில மணி நேரங்களே ஆன பெண் குழந்தையை சாலையோரத்தில் பொதுமக்கள் மீட்டனர். இது குறித்து அளிக்கப்பட்ட புகாரின் அடிப்படையில் விசாரணை நடத்திய போலீசார் குழந்தையின் அம்மாவை கண்டுபிடித்து அவரிடமும் விசாரணை மேற்கொண்டனர். 

அந்த பெண்ணிடம் நடத்தப்பட்ட விசாரணையில் தன்னை 10 மாதங்களுக்கு முன்பு மார்க்சிஸ்ட் கட்சி அலுவலகத்துக்குள் வைத்து அக்கட்சியைச் சேர்ந்த ஒருவர் பாலியல் வன்கொடுமை செய்ததாக அந்தப்பெண் தெரிவித்ததாக போலீசார் தெரிவித்துள்ளனர். கல்லூரி இதழுக்காக அக்கட்சியின் அலுவலகத்துக்கு சென்றதாகவும், அப்போது இந்தச் சம்பவம் நடந்ததாகவும் அந்த பெண் தெரிவித்துள்ளார்.

இந்தச் சம்பவம் குறித்து கருத்து தெரிவித்துள்ள மார்க்சிஸ்ட் கம்யூனிஸ்ட் கட்சியின் நிர்வாகி ஒருவர், அந்தப் பெண்ணும், அவரது குடும்பமும் கட்சிக்கு நெருக்கமானவர்கள். இந்த சம்பவம் குறித்து  தீவிரமாக விசாரிக்கப்படும். காவல்துறையும் இந்த விஷயத்தில் உண்மையை வெளிக்கொணர வேண்டும் என்று தெரிவித்துள்ளார்.

இது குறித்து கருத்து தெரிவித்துள்ள காங்கிரஸ் மூத்த தலைவர் ரமேஷ், மார்க்சிஸ்ட் கம்யூனிஸ்ட் கட்சியின் அலுவலகங்கள் பாலியல் வன்கொடுமை நிலையமாக மாறி வருவது துரதிஷ்டவசமானது. இதை சொல்ல நான் வருந்துகிறேன். ஆனால் இது தான் உண்மை. இது போன்ற சம்பவங்கள் கேரளாவில் பெண்களுக்கு பாதிப்பில்லை என்பதை காட்டுவதாகவும் அவர் குற்றஞ்சாட்டியுள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close