[X] Close
JUST IN
  • BREAKING-NEWS மேகதாது அணைக்கு எதிர்ப்பு தெரிவித்து தமிழக அரசு தொடுத்த நீதிமன்ற அவமதிப்பு வழக்கை நாளை விசாரிக்கிறது உச்சநீதிமன்றம்
  • BREAKING-NEWS தெலங்கானா சட்டப்பேரவை தேர்தலில் வெற்றிபெற்ற சந்திரசேகர ராவுக்கு சந்திரபாபு நாயுடு ட்விட்டரில் வாழ்த்து
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்

மறைந்த நடிகர் அம்பரீஷ் பெயரில் திரைப்பட நகரம்!

film-city-in-honour-of-rebel-star-at-mysuru

மறைந்த நடிகர் அம்பரீஷ் பெயரில் மைசூருவில் திரைப்பட நகரம் அமைக்கப்படும் என்று கர்நாடக முதலமைச்சர் குமாரசாமி தெரிவித்தார்.

கன்னட நடிகர் அம்பரீஷ், கடந்த 24 ஆம் தேதி மாரடைப்பால் மரணமடைந்தார். அவரது மறைவுக்கு கன்னட திரையுலகம் சார்பில் நினைவஞ்சலி கூட்டம் பெங்களூருவில் நேற்று  நடந்தது. 

இதில் முன்னாள் முதலமைச்சர் சித்தராமையா பேசும்போது, ’மைசூருவில் திரைப்பட நகரம் அமைக்க வேண்டும் என்பது அம்பரீசின் விருப்பம். அதற்காக நான் முதலமைச்சராக இருந்தபோது இடத்தை ஒதுக்கி கொடுத்தேன். அங்கு பணிகள் நடந்து வருகின்றன. அந்த பணிகளுக்கு இன்னும் வேகம் கொடுத்து, அம்பரீஷ் பெயரை அதற்கு சூட்ட வேண்டும்’ என்று கோரிக்கை வைத்தார். 

இதைதொடர்ந்து முதலமைச்சர் குமாரசாமி பேசும்போது, “சித்தராமையா கேட்கும் போது இல்லை என்று சொல்ல முடியாது. அதனால் மைசூருவில் அம்பரீஷ் பெயரில் திரைப்பட நகரம் அமைக்கப்படும். ராமநகரில் நடிகர் ராஜ்குமார் பெயரில் திரைப்பட பல்கலைக்கழகம்  தொடங்கப்படும்” என்றார். பின்னர் தனக்கும் அவருக்கும் இருந்த நட்பு பற்றி பேசினார்.

முதலமைச்சர் குமாரசாமி, பதவி ஏற்ற பின் தாக்கல் செய்த பட்ஜெட்டில் ராமநகரில் திரைப்பட நகரம் அமைக்கப்படும் என்று அறிவித்திருந்தார். இதற்கு எதிர்ப்பு தெரிவித்த சித்தராமையா மைசூருவிலேயே திரைப்பட நகரத்தை அமைக்க வேண்டும் என்று கூறிவந்தார். இந்நிலையில் சித்தராமையாவின் கோரிக்கையை இப்போது ஏற்று மைசூருவில் அம்பரீஷ் பெயரில் திரைப்பட நகரம் அமைக்கப்படும் என்று குமாரசாமி அறிவித்துள்ளது  குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close