[X] Close
JUST IN
  • BREAKING-NEWS இருசக்கர வாகனத்தை ஓட்டுபவருடன் பின்னால் அமர்ந்து செல்பவருக்கும் ஹெல்மெட் கட்டாயம்- உயர்நீதிமன்றம்
  • BREAKING-NEWS ஹெல்மெட் கட்டாயம் என்பதை அமல்படுத்த தமிழக அரசுக்கு சென்னை உயர்நீதிமன்றம் உத்தரவு
  • BREAKING-NEWS இருசக்கர வாகனங்களை விற்கும் நிறுவனங்களே ஹெல்மெட்டையும் இலவசமாக வழங்க வேண்டும்- தமிழிசை சவுந்தரராஜன்
  • BREAKING-NEWS வாகன ஆய்வாளர் வங்கி லாக்கரில் 9.5 கிலோ தங்கம் பறிமுதல்
  • BREAKING-NEWS சென்னை, கடலூர், நாகை துறைமுகங்களில் ஒன்றாம் எண் புயல் எச்சரிக்கை கூண்டு ஏற்றப்பட்டுள்ளது
  • BREAKING-NEWS சென்னையில் இன்று பெட்ரோல் லிட்டருக்கு ரூ.85.48 காசுகளாகவும், டீசல் லிட்டருக்கு ரூ.78.10 காசுகளாகவும் விலை நிர்ணயம்
  • BREAKING-NEWS திமுகவுக்கு எதிராக வரும் 25ம் தேதி மாவட்ட தலைநகரங்களில் கண்டன ஆர்ப்பாட்டம் - முதல்வர் பழனிசாமி

கேரளாவுக்கு ரூ.600 கோடி வழங்கியது மத்திய அரசு 

centre-releases-rs-600-crore-to-kerala-waives-off-customs-duty-gst-on-relief-materials

வெள்ள நிவாரண நிதியாக கேரளாவுக்கு மத்திய அரசு அறிவித்த 600 கோடி ரூபாய் வழங்கப்பட்டுள்ளது.

மத்திய அரசு வெளியிடப்பட்டுள்ள அறிவிப்பில், பிரதமர் மோடி அறிவித்த 500 கோடி, உள்துறை அமைச்சர் ராஜ்நாத்சிங் அறிவித்த 100 கோடி என மொத்தம் 600 கோடி ரூபாய் கேரளாவுக்கு வழங்கப்பட்டு விட்டதாக கூறப்பட்டுள்ளது. மேலும் மத்திய உணவு வழங்கல் துறை சார்பில் கேரளாவுக்கு 89 ஆயிரத்து 540 மெட்ரிக் டன் அரிசியும் நூறு மெட்ரிக் டன் அளவுக்கு பருப்பு வகைகளும் ஒதுக்கீடு செய்யப்பட்டுள்ளதாகவும் தெரிவிக்கப்பட்டுள்ளது. பெட்ரோலியம் மற்றும் இயற்கை எரிவாயு அமைச்சகத்தின் சார்பில் 3 லட்சத்து 20 ஆயிரம் எரிவாயு சிலிண்டர்களும் 2 லட்சத்து 20 ஆயிரம் ரெகுலேட்டர்களும் தயார் நிலையில் உள்ளதாகவும், கேரளாவுக்கு எரிவாயு சிலிண்டர்களை தனி அங்கீகாரம் இல்லாத வாகனங்களில் கொண்டு செல்ல அனுமதிக்கப்பட்டு உள்ளதாகவும் கூறப்பட்டுள்ளது.

 ரயில்வே சார்பில் 24 லட்சம் லிட்டர் குடிநீர் கேரளாவுக்கு வழங்கப்பட்டு உள்ளதாகவும் பேரிடரால் சேதமடைந்த செல்போன் டவர்களை சீரமைக்கும் பணிகள் தொலைத்தொடர்புத்துறை சார்பில் 94 சதவீதம் நிறைவடைந்துள்ளதாகவும் கூறப்பட்டுள்ளது. மத்திய சுகாதாரத்துறை சார்பில் 3 கோடி க்ளோரின் மாத்திரைகளும் 30 டன் பிளீச்சிங் பவுடரும் 1 லட்சத்து 76 ஆயிரம் சேனடரி பேட்களும் கேரளாவுக்கு அனுப்பப்பட்டு உள்ளதாகவும், கேரளாவுக்கு அனுப்பப்படும் நிவாரணப் பொருட்கள் மீதான அனைத்து வரிகளையும் மத்திய நிதித்துறை நீக்கியுள்ளதாகவும் தெரிவிக்கப்பட்டு உள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close