[X] Close
JUST IN
  • BREAKING-NEWS இந்தியா மற்றும் மேற்கிந்திய தீவுகள் அணிகள் இடையிலான முதல் டெஸ்ட் கிரிக்கெட் போட்டி இன்று தொடங்குகிறது
  • BREAKING-NEWS டெல்லி சிறப்பு நீதிமன்றத்தில் இன்று ஆஜர்படுத்தப்படுகிறார் ப.சிதம்பரம். காவலில் எடுத்து விசாரிக்க சிபிஐ அதிகாரிகள் நடவடிக்கை
  • BREAKING-NEWS அமலாக்கத்துறை, சிபிஐ மூலம் ப.சிதம்பரத்தின் நற்பெயரை கெடுக்க மோடி அரசு முயற்சிக்கிறது - ராகுல் காந்தி

புதிய 500 ரூபாய் நோட்டுகள் தட்டுப்பாடு... பிரிண்டிங் செய்யும் பணி நிறுத்தம்?

printing-of-rs-500-notes-doubles

புதிய 500 ரூபாய் நோட்டுகள் கிடைப்பதில் நாடு முழுவதும் தட்டுப்பாடு நிலவி வருகிறது.

ரூபாய் மதிப்பிழப்பு விவகாரத்தைத் தொடர்ந்து மத்திய அரசு அறிமுகப்படுத்திய புதிய 2,000 ரூபாய் நோட்டுகள் நாடு முழுவதும் பரவலாகக் கிடைக்கத் தொடங்கியுள்ளன. ஆனால் புதிய 500 ரூபாய் நோட்டுகள் நாட்டின் பல பகுதிகளில் தட்டுப்பாடு நிலவுகிறது. புதிய 500 ரூபாய் நோட்டுகள் அச்சடிப்பதை ரிசர்வ் வங்கி நிறுத்தியதாலேயே நாட்டின் பல பகுதிகளில் தட்டுப்பாடு நிலவுவதாக ஒரு வதந்தி பரவியது. மேலும், அச்சுப்பிழைகள் மற்றும் இருவேறு விதமான புதிய 500 ரூபாய் நோட்டுகள் கடந்த வாரத்தில் புழக்கத்தில் வந்ததால் குழப்பம் நிலவியது.

இந்நிலையில், புதிய 500 ரூபாய் நோட்டுகள் அச்சடிக்கும் பணி இரு மடங்காக்கப்பட்டுள்ளதாக ரிசர்வ் வங்கி வட்டாரங்கள் தெரிவிக்கின்றன. மகாராஷ்ட்ராவில் உள்ள நாசிக் மற்றும் மத்தியப்பிரதேசத்திலுள்ள டேவாஸ் ஆகிய இடங்களில் உள்ள ரிசர்வ் வங்கிக்குச் சொந்தமான அச்சகங்களில் புதிய 500 நோட்டுகள் அச்சடிக்கும் பணி நடந்து வருவதாகத் தகவல்கள் தெரிவிக்கின்றன. மேலும், மேற்குவங்க மாநிலம் சல்பானி மற்றும் கர்நாடக மாநிலம் மைசூரு ஆகிய இடங்களில் உள்ள அச்சகங்களில் புதிய 2,000 ரூபாய் நோட்டுகள் அச்சடிக்கும் பணி நடந்து வருவதாக தகவல்கள் வெளியாகியுள்ளன. அதிலும் குறிப்பாக நாசிக்கில் தினசரி 80 லட்சம் (ரூ.400 கோடி) புதிய 500 ரூபாய் நோட்டுகள் அச்சடிக்கப்பட்டு வருவதாக ரிசர்வ் வங்கி வட்டாரத் தகவல்கள் தெரிவிக்கின்றன.

Advertisement:
இது தொடர்பான செய்திகள் :
Advertisement:
Advertisement:
[X] Close