[X] Close
JUST IN
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை
  • BREAKING-NEWS திமுக ஆட்சியைப் பிடிக்கவும் முடியாது, மு.க.ஸ்டாலின் முதலமைச்சர் ஆகவும் முடியாது - வைகைச்செல்வன்
  • BREAKING-NEWS மறைந்த முன்னாள் முதல்வர் ஜெயலலிதாவின் வாழ்க்கை வரலாறு பற்றிய படத்தின் ஃபர்ஸ்ட் லுக் போஸ்டர் வெளியீடு
  • BREAKING-NEWS எக்காலத்திலும் செவிலியர் படிப்புக்கு நீட் தேர்வை அனுமதிக்கமாட்டோம் - அமைச்சர் விஜயபாஸ்கர்

பழைய சோறு, பச்சை மிளகா... ஒரு பார்சல்!

ice-biryani-good-for-health

 

பழைய சாதம் என நினைக்கும் போதே சிலர் இப்போது கிடைக்காதா என ஏங்குவது உண்டு. பழைய சாதத்தை ஐஸ் பிரியாணி என்றெல்லாம் அழைப்பது உண்டு. இந்த காலத்திலும் பழைய சோறுக்கு இருக்கிறது மவுசு.

இளைய தலைமுறை சாண்ட்விச், பீட்சா, பர்கர் என ஃபாஸ்ட் புட் பக்கம் சாய்ந்தாலும் பாரம்பரிய உணவான கூழ், கம்பு, திணை போன்றவற்றில் ஆர்வம் காட்டுகின்றனர். அந்த இடத்தில் பழைய சோறும் உள்ளது. அந்த காலத்து முதியவர்கள் கூட திடகாத்திரமாக இருப்பதற்கு முக்கியமான ஒன்று பழைய சோறு. 

பழைய சோறு பற்றிய ஆய்வு ஒன்றை அமெரிக்கன் நியூட்ரிஷன் அசோசியேஷன் (American Nutirition Association) நடத்தியுள்ளது. அதில் பழைய சோற்றின் பெருமைகளும் பலன்களும் பட்டியலிடப் பட்டிருக்கின்றன. முதல் நாள் மதியம் வடித்து, மீந்துபோன சாதத்தில் நீர் ஊற்றி அடுத்த நாள் அதை சாப்பிடுவதே பழைய சோறு. வெறும் தண்ணீர் சாதத்தில் என்ன சத்து இருக்கப் போகிறது என இன்றைய இளசுகள் நினைப்பதுண்டு. 
பழைய சோறு புதிய நோய்த்தொற்றுகள் ஏற்படுவதை தடுத்து நோய் எதிர்ப்பு சக்தியை கொடுக்கிறது. ஒவ்வாமைப் பிரச்னை, தோல் தொடர்பான வியாதிகளுக்கு நல்ல மருந்து பழைய சோறு. நீராகாரம் எனப்படும் பழைய சோற்றில் உள்ள தண்ணீர் உடல் உஷ்ணத்தைக் குறைக்கும். அதைவிட முக்கிய பலன், பழைய சோறு இளமைத் தோற்றத்தைத் தக்க வைக்க உதவும். தோல் சுருக்கங்கள் வருவதை குறைக்கும். வயிற்றுப் புண், மலச்சிக்கல், உடல் சோர்வு, உயர் ரத்த அழுத்தம் போன்ற பிரச்சனைக்கு நிரந்தர தீர்வு, பழைய சோறு.

நேற்று வைத்த சாதம் கெட்டு போய் பாக்டீரியா போன்ற தொற்றுக்கள் வராதா என சிலர் நினைப்பது உண்டு. ஆமாம் பழைய சோற்றிலும் லேக்டிக் ஆசிட் பாக்டீரியா உள்ளது. இது கால்சியம், புரதச்சத்து, இரும்புச்சத்து, பொட்டாசியம், விட்டமின் B12 போன்ற சத்துகளை தரும் திறன் கொண்டது. இதைவிட எளிதாக கிடைக்கும் ஆரோக்கிய அமிர்தம் வேறு இருக்கிறதா? பழைய சோற்றுக்குத் தொட்டுக் கொள்ள பச்சை மிளகாய், சின்ன வெங்காயம் செம பொருத்தம்.

சர்க்கரை நோயாளிகள் மட்டும் மருத்துவரின் ஆலோசனையைக் கேட்டு அளவோடு இதைச் சாப்பிடுவது நல்லது. இனி பச்சை மிளகாயையும் பழைய சோற்றையும் பார்சல் பண்ணலாமே!

Advertisement:
Advertisement:
Advertisement:
[X] Close