[X] Close
JUST IN
  • BREAKING-NEWS அமலாக்கத்துறை, சிபிஐ மூலம் ப.சிதம்பரத்தின் நற்பெயரை கெடுக்க மோடி அரசு முயற்சிக்கிறது - ராகுல் காந்தி
  • BREAKING-NEWS முன்ஜாமீன் கோரும் ப.சிதம்பரம் மனுவை நீதிபதி அருண் மிஸ்ரா அமர்வுக்கு தலைமை நீதிபதி பரிந்துரைக்க இருப்பதாக தகவல்
  • BREAKING-NEWS புதுச்சேரி அரசின் அன்றாட நடவடிக்கைகளில் கிரண்பேடி தலையிட கூடாது என்ற உத்தரவு தொடரும்; தனி நீதிபதி உத்தரவுக்கு எதிரான மத்திய உள்துறை அமைச்சகத்தின் மேல்முறையீடு வழக்கில் சென்னை உயர்நீதிமன்றம் உத்தரவு
  • BREAKING-NEWS இன்று முதல் தண்ணீர் லாரி உரிமையாளர்கள் தமிழகம் முழுவதும் வேலைநிறுத்தம்
  • BREAKING-NEWS ரியோ பராலிம்பிக் போட்டியில் வெள்ளி வென்ற தீபா மாலிக் உள்ளிட்ட இருவருக்கு கேல் ரத்னா விருது அறிவிப்பு. ரவீந்திர ஜடேஜா உள்ளிட்ட 17 பேர் அர்ஜூனா விருதுக்கு தேர்வு

செய்திகள் மூலம் கூகுளுக்கு ரூ.32,700 கோடி வருவாய்!

google-made-4-7-billion-from-the-news-industry-in-2018-study-says

2018ம் ஆண்டு செய்திகள் மூலம் கூகுள் நிறுவனம்  4.7 பில்லியன் டாலர்கள் (ரூ.32,700 கோடி) வருவாய் ஈட்டியுள்ளதாக தகவல் வெளியாகியுள்ளது.

இணையத்தில் எதை தேடுவதாக இருந்தாலும் நாம் முதலில் தேடி செல்வது கூகுளைத் தான். கூகுள் மூலமாகவே நாம் வேறு இணையதள பக்கத்தை அடைகிறோம். அப்படி கூகுளில் நாம் தேடும் ஒவ்வொரு தேடலும் அந்த நிறுவனத்துக்கு லாபத்தை தருகிறது. கூகுள் நிறுவனம் 2018-ஆம் ஆண்டின் நான்காவது காலாண்டில் மொத்தமாக 39.3 பில்லியன் டாலர் வருவாயை ஈட்டியுள்ளது. இது அதற்கு முந்தைய வருடம் இதே காலக்கணக்கில் பெற்ற வருவாயை விட 22 சதவீதம் அதிகம்.

கூகுள் நிறுவனம் செய்திகள் மூலம் 4.7 பில்லியன் டாலர்கள் (ரூ.32,700 கோடி) வருவாய் ஈட்டியுள்ளதாக தகவல் வெளியாகியுள்ளது. அதாவது இணையத்தில் உள்ள செய்தி நிறுவனங்களில் செய்திகளை நாம் தேடி தேடி படிப்பதன் மூலம் கூகுளுக்கு இவ்வளவு லாபம் கிடைத்துள்ளது. ஆனால் இந்த லாபத்தில் செய்தி நிறுவனங்களுக்கும் எந்த பங்கும் இல்லை என்றும் செய்தி நிறுவனங்களைச் சேர்ந்தவர்கள் வருத்தம் தெரிவிக்கிறார்கள்.

இது குறித்து அமெரிக்காவின் என் எம் ஏ அறிக்கை வெளியிட்டுள்ளது. அந்த அறிக்கையில்,அமெரிக்காவின் மொத்த செய்தி துறையின் வருவாய் ரூ.5.1 பில்லியன் டாலர்கள். அதில் கூகுள் பங்கு மட்டும் 4.7 பில்லியன் டாலர்கள் என்று குறிப்பிட்டுள்ளது.

இது குறித்து கருத்து தெரிவித்த என் எம் ஏ தலைவர் டேவிட், செய்தி நிறுவனங்களால் கூகுள் அதிக லாபம் அடைகின்றன. ஆனால் அந்த லாபத்தில் செய்தி நிறுவனத்துக்கும், செய்திகளை எழுதும் பத்திரிகையாளர்களுக்கும் துளியும் பங்கு இல்லை. இந்த முரண்பாடு கவலையளிக்கிறது என்று தெரிவித்துள்ளார்.

கூகுளில் பயனாளர்கள் செய்யும் தேடலில் 40 சதவிகிதம் செய்திகளை பற்றியது தான் எனவும் என்எம்ஏ குறிப்பிட்டுள்ளது
 

Advertisement:
Advertisement:
Advertisement:
[X] Close