[X] Close
JUST IN
  • BREAKING-NEWS தமிழக அரசு ஊழியர்களுக்கு 3% அகவிலைப்படி உயர்வு அறிவித்து அரசாணை வெளியீடு
  • BREAKING-NEWS கருத்துக்கணிப்புகளுக்குப்பின் பாஜக இருக்கிறது என கூறி எதிர்க்கட்சியினர் ஊடகங்களை உதாசீனம் செய்கிறார்கள் - தமிழிசை சவுந்தரராஜன்
  • BREAKING-NEWS கருத்துக்கணிப்புகள் திமுகவுக்கு சாதகமாக வந்தாலும் பாதகமாக வந்தாலும் அதை பொருட்படுத்துவதில்லை- தமிழகத்தில் திமுக பெரும்பான்மை இடங்களை பிடிக்கும் என்ற கருத்துக்கணிப்பு பற்றி மு.க.ஸ்டாலின் பேட்டி
  • BREAKING-NEWS தேசிய பங்குச்சந்தை குறியீட்டெண் நிஃப்டி 284 புள்ளிகள் உயர்ந்து 11,691ல் வர்த்தகம்
  • BREAKING-NEWS மும்பை பங்குச்சந்தை குறியீட்டெண் சென்செக்ஸ் 888.91 புள்ளிகள் உயர்ந்து 38,819ல் வர்த்தகம்
  • BREAKING-NEWS டெல்லியில் இன்று ராகுல் காந்தி, சோனியா காந்தியை மாயாவதி சந்திக்கவில்லை - பி.எஸ்.பி.
  • BREAKING-NEWS சென்னையில் பெட்ரோல் லிட்டருக்கு ரூ. 73.82 காசுகளாகவும், டீசல் லிட்டருக்கு ரூ. 69.88 காசுகளாகவும் விலை நிர்ணயம்

முதல்முறையாக தனித்து தேர்தலை சந்திக்கும் தெலுங்கு தேசம் !

lok-sabha-polling-starts-in-andhra-pradesh

நாடாளுமன்றத் தேர்தலுக்கான முதல்கட்ட வாக்குப் பதிவு தொடங்கியது. நாடெங்கும் உள்ள 543 நாடாளுமன்ற தொகுதிகளுக்கு 7 கட்டமாக தேர்தல் அறிவிக்கப்பட்டுள்ளது. இந்நிலையில் முதல் கட்ட தேர்தல் இன்று காலை 7 மணிக்கு தொடங்கியது. இந்த முதல் கட்ட வாக்குப்பதிவு 18 மாநிலங்களிலும் 2 யூனியன் பிரதேசங்களிலும் உள்ள 91 மக்களவைத் தொகுதிகளில் வாக்குப்பதிவு விறுவிறுப்பாக நடைபெற்று வருகிறது. 

ஆந்திரா, தெலங்கானா ஆகிய மாநிலங்களில் உள்ள அனைத்து தொகுதிகளுக்கும் ஒரே கட்டமாக வாக்குப்பதிவு நடைபெறுகிறது. இது தவிர உத்தரப்பிரதேசம், மகாராஷ்டிரா, பீகார், மேற்கு வங்கம் உள்ளிட்ட மாநிலங்களில் முதல் கட்டமாக வாக்குப்பதிவு நடைபெறுகிறது. 
ஆந்திரா, அருணாச்சல பிரதேசம், சிக்கிம் ஆகிய மாநில சட்டப்பேரவைகளுக்கு ஒரே கட்டமாகவும் ஒடிஷா சட்டப்பேரவைக்கு முதல் கட்டமாகவும் வாக்குப்பதிவு நடைபெறுகிறது.

ஆந்திரத்தில் தேர்தல் நடைபெறும் 25 மக்களவைத் தொகுதிகளில் 319 வேட்பாளர்கள் களத்தில் உள்ளனர். இதேபோல், மொத்தமுள்ள 175 சட்டப் பேரவைத் தொகுதிகளில் 2,118 வேட்பாளர்கள் போட்டியிடுகின்றனர். ஆந்திரம், தெலங்கானா மாநிலங்கள் தனித்தனியாக 2014ஆம் ஆண்டு ஜூன் மாதம் பிரிக்கப்பட்டன. அதையடுத்து நடைபெறும் முதல் பொதுத் தேர்தல் இதுவாகும். தெலுங்கு தேசம் கட்சியின் 37 ஆண்டுகால வரலாற்றில், தேர்தலை அக்கட்சி தனித்து எதிர்கொள்வதும் இதுதான் முதல்முறையாகும்.

ஆந்திர முதலமைச்சரும் தெலுங்கு தேசம் கட்சியின் தலைவருமான ச‌ந்திரபாபு நாயுடு வழக்கமாக‌ போட்டியிடும் சித்தூர் மாவட்டம் கு‌ப்பம் தொகுதியில் போட்டியிடுகிறார். இது தமிழகத்தி‌ன் வேலூர் மாவட்டத்தை ஒட்டி அமைந்துள்ள தொகுதி என்பது குறிப்பிடத்தக்கது. சந்திரபாபு‌ நாயுடுவின் மகன் நாரா லோகே‌ஷ் ஆந்‌திர ‌தலைநகர் அமராவதியில் அமைந்துள்ள மங்கள கிரி தொகுதியில் இருந்து போட்டியிடுகிறார். 

ஒய்எஸ்ஆர் காங்கிரஸ் கட்சியின் தலைவரும் அக்கட்சியின் முதல்வர் வேட்பாளருமான ஜெகன்மோகன் ரெட்டி, கடப்பா மாவட்டம் புலிவெ‌‌ண்டுலாவில் போட்டியிடுகிறார். தெலுங்குதேசம் கட்சிக்கும் ஒய்எஸ்ஆர் காங்கிரஸ்‌ கட்சிக்கும் பெரு‌ம் சவாலாக‌ திகழும் ஜனசேனா ‌கட்சியின் தலைவரும் பிரபல நடிகர் சிரஞ்‌சீவியின் தம்பியுமான பவன் கல்யாண் பீமாவர‌ம் மற்று‌ம் கஜவாக்கா ஆகிய இரு தொகுதிகளில் போட்டியிடுகிறார். 

ஆந்திரா முன்னாள் முதல்வர் என்டி ராமராவின் மகள்‌ புரந்தேஸ்வரி விசாகப்பட்டினத்தில் பாரதிய‌ ஜனதா சார்‌பில் போட்டியிடுகிறார். ஒய்எஸ்ஆ‌ர் காங்கிரஸ் கட்சி தலைவர் ஜெகன் மோகனின் ஒன்றுவிட்ட சகோதரர் அவினாஷ் ரெட்டி கடப்பா தொகுதியில‌ கள‌மிறங்கியுள்ளார். மக்களவை தொகுதிகளை பொறுத்தவரை விஜயநகரம் தொகுதியிலிருந்து முன்னாள் ம‌த்திய அமைச்ச‌ர் அசோக் கஜபதி ராஜு களம் காண்கிறார்.

Advertisement:
இது தொடர்பான செய்திகள் :
Advertisement:
Advertisement:
[X] Close