[X] Close
JUST IN
  • BREAKING-NEWS கஜா புயல் பாதிப்புக்கு பிரதமரை சந்தித்து நிவாரண நிதி கோர டெல்லி புறப்பட்டார் முதலமைச்சர் பழனிசாமி
  • BREAKING-NEWS ஓசூர் அருகே தம்பதி ஆணவக்கொலை செய்யப்பட்ட விவகாரத்தில் சூடுகொண்டப்பள்ளியில் நந்தீஷ் பெற்றோரிடம் எஸ்.சி., எஸ்.டி ஆணைய துணைத்தலைவர் முருகன் விசாரணை
  • BREAKING-NEWS மறைந்த மத்திய அமைச்சர் அனந்த்குமாரின் தொகுதியான தெற்கு பெங்களூரு காலியாக உள்ளதாக தேர்தல் ஆணையம் அறிவிப்பு
  • BREAKING-NEWS தமிழகம் மற்றும் புதுச்சேரியில் ஒருசில இடங்களில் அடுத்த 3 மணி நேரத்துக்கு மழை பெய்யும் - வானிலை ஆய்வு மையம்
  • BREAKING-NEWS காஞ்சிபுரம்: செங்கல்பட்டு, மதுராந்தகம் மற்றும் அதன் சுற்றுவட்டாரப் பகுதிகளில் கனமழை
  • BREAKING-NEWS கஜா புயலால் பாதிக்கப்பட்ட 7 மாவட்ட மக்களுக்கு நடிகர் விஜய் தனது மக்கள் இயக்கம் மூலம் நிதியுதவி
  • BREAKING-NEWS புதுச்சேரி மற்றும் காரைக்கால் சுற்றுவட்டார பகுதிகளில் கனமழை

மவுலிவாக்கம் அடுக்குமாடி கட்டடத்தை இடிக்கும் பணி தள்ளிவைப்பு

mowlivakkam-building-case-respite

நாளை நடைபெறவிருந்த மவுலிவாக்கம் 11 அடுக்குமாடி கட்டடத்தை இடிக்கும் பணி தள்ளி வைக்கப்பட்டுள்ளதாக போலீசார் தெரிவித்துள்ளனர்.

போரூர் அடுத்த மவுலிவாக்கத்தில் 11 மாடிகள் கொண்ட அடுக்குமாடி கட்டிடம் கடந்த 2014-ம் ஆண்டு ஜூன் 28-ம் தேதி இடிந்து விழுந்தது. இதில் 61 தொழிலாளர்கள் பலியானார்கள். அருகே கட்டப்பட்டு வந்த மற்றொரு 11 மாடி கட்டிடத்தை ஆய்வு செய்த போது அதுவும் பலமானதாக இல்லை என்பது தெரியவந்தது. இது தொடர்பாக உச்சநீதிமன்றத்தில் வழக்கு தொடரப்பட்டதையடுத்து அந்த கட்டிடத்தை இடிக்க உத்தரவிட்டது.

இதையடுத்து சி.எம்.டி.ஏ. அதிகாரிகள் கட்டிடத்தை இடிக்கும் நடவடிக்கையை தீவிரமாக மேற்கொண்டு வந்தனர். 11 மாடி கட்டிடம் வெடிமருந்து மூலம் நாளை இடிக்கப்படும் என்று சி.எம்.டி.ஏ. அதிகாரிகள் மற்றும் போலீசார் தெரிவித்திருந்தனர்.

இதற்காக, கட்டிடத்தை சுற்றிலும் 100 மீட்டர் தொலைவில் உள்ள வீடுகளில் வசிப்பவர்கள் வெளியேற உத்தரவிடப்பட்டு இருந்தது. அவர்கள் மவுலிவாக்கம் ஊராட்சி அலுவலகத்தில் தங்கவும் ஏற்பாடு செய்யப்பட்டு இருந்தது.

இந்நிலையில், 11 மாடி கட்டிடத்தை இடிக்கும் பணி நாளை நடைபெறவில்லை என்றும் அப்பணி தள்ளி வைக்கப்பட்டு உள்ளதாகவும் போலீசார் தெரிவித்துள்ளனர். சி.எம்.டி.ஏ. தரப்பில் இருந்து அதிகாரப்பூர்வ அறிவிப்பு வெளி வந்த பிறகே அதற்கான காரணம் தெரியவரும் என்றும் அவர்கள் தெரிவித்துள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close