[X] Close
JUST IN
  • BREAKING-NEWS வைகை அணையின் நீர்மட்டம் 69 அடியை எட்டியதால் மதுரை, திண்டுக்கல், சிவகங்கை, ராமநாதபுரம், தேனி மாவட்ட மக்களுக்கு 3ஆம் கட்ட வெள்ள அபாய எச்சரிக்கை
  • BREAKING-NEWS சென்னையில் பெட்ரோல் லிட்டருக்கு ரூ.84.96 காசுகளாகவும், டீசல் லிட்டருக்கு ரூ.79.51 காசுகளாகவும் விலை நிர்ணயம்
  • BREAKING-NEWS டென்மார்க் ஓபன் பேட்மிண்டன் தொடரின் இறுதிப்போட்டிக்கு முன்னேறினார் இந்தியாவின் சாய்னா நேவால்
  • BREAKING-NEWS நீர் மேலாண்மை குறித்து தமிழக அரசு எந்த சிந்தனையும் இல்லாமல் இருப்பது பேராபத்தை ஏற்படுத்தும்- டிடிவி தினகரன்
  • BREAKING-NEWS முதலமைச்சரை அவதூறாக பேசியதாக திண்டுக்கல் லியோனி மீது வழக்கு
  • BREAKING-NEWS குண்டர் சட்ட முறைகளை புதுவை அரசு கடைபிடிக்கவில்லை: உயர்நீதிமன்றம்
  • BREAKING-NEWS கேரளா: பம்பை, நிலக்கல், சன்னிதானம், இலவுங்கல் பகுதிகளில் மேலும் 3 நாட்களுக்கு 144 தடை உத்தரவு நீட்டிப்பு - பத்தினம்திட்டா காவல்துறை கோரிக்கையை ஏற்று ஆட்சியர் நூஹ் உத்தரவு

பெண்களிடம் ரகளை செய்த இளைஞர்கள்: தட்டிக்கேட்ட முதியவர் அடித்துக் கொலை

man-lynching-near-sivanganga-district

கோவில் திருவிழாவில் ரகளை செய்தவர்களை தட்டிக் கேட்ட முதியவர் அடித்துக் கொலை செய்யப்பட்டுள்ளார். இதுதொடர்பாக 5 பேர் கைது செய்யப்பட்டுள்ளனர்.

சிவகங்கை மாவட்டம் காரைக்குடி அருகே உள்ளது கோவிலூர் கிராமம். இங்குள்ள பட்டய அம்மன் கோவில் திருவிழா நேற்றிரவு நடைபெற்றது. இவ்விழாவிற்கு வந்த அதே கிராமத்தை சேர்ந்த இளைஞர்கள் 5 பேர், பெண்களை கேலி செய்தும், பிறரிடம் வம்பு செய்தும் ரகளையில் ஈடுபட்டதாக கூறப்படுகிறது. இதனால் ஆத்திரமடைந்த சின்னையா (60) என்பவர் இதனை தட்டிக் கேட்டுள்ளார். மேலும், ரகளையில் ஈடுபட்டவர்களின் குடும்பத்தாரிடம் இது குறித்து சொல்ல போவதாக எச்சரித்துவிட்டு , இளைஞர்களின் வீட்டிற்கும் சென்றுள்ளார்.

இதனால் ஆத்திரமடைந்த இளைஞர்கள் 5 பேரும், சின்னையாவை வழிமறித்து கட்டையால் கடுமையாக தாக்கியுள்ளனர். இதனால் சின்னையா படுகாயமடைந்தார். அருகில் இருந்தவர்கள் சின்னையாவை மீட்டு ,காரைக்குடி அரசு மருத்துவமனைக்கு அனுப்பி வைத்தனர்.
அங்கு முதலுதவி சிகிக்சை அளிக்கப்பட்டு மேல் சிகிச்சைக்காக மதுரை ராஜாஜி அரசு மருத்துவமனைக்கு சின்னையா அனுப்பி வைக்கப்பட்டார். ஆனால் சிகிச்சை பலனின்றி சின்னையா உயிரிழந்தார். இதுகுறித்து வழக்குப்பதிவு செய்த குன்றக்குடி போலீசார், கொலை சம்பவத்தில் ஈடுபட்டதாக, ராஜா ,பாண்டியராஜன் ராஜேஷ், பாலசுப்பிரமணியன், பழனிக்குமார் ஆகிய 5 பேரை கைது செய்து விசாரணை மேற்கொண்டு வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close