[X] Close
JUST IN
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS சிபிஐ இயக்குநர் அலோக் வர்மா மீதான குற்றச்சாட்டு பற்றிய வழக்கை நாளைக்கு ஒத்திவைத்தது உச்சநீதிமன்றம்
  • BREAKING-NEWS நெஞ்சுவலி காரணமாக மக்களவை துணை சபாநாயகர் தம்பிதுரை, சென்னை ஆயிரம் விளக்கில் உள்ள அப்போலோ மருத்துவமனையில் அனுமதி

"நீ எது பேசுறதா இருந்தாலும் ஜெயிச்சுட்டு பேசு'' ! அசத்தும் "கனா" ட்ரைலர் 

kana-movie-trailer-has-been-released

சிவகார்த்திகேயன் தயாரிப்பில் அருண்ராஜா காமராஜ் இயக்கியுள்ள கனா திரைப்படத்தின் ட்ரெய்லர் இன்று வெளியானது.

தமிழ் தொலைக்காட்சியில் இருந்து சினிமாவில் நாயகனாக அறிமுகமானவர் சிவகார்த்திகேயன். தற்போது தவிர்க்க முடியாத ஒரு நாயகனாகவும் வளர்ந்துள்ளார். நடிகனாக இருந்த அவர் தற்போது தயாரிப்பாளராக அவதாரமெடுத்துள்ளார். இவர் தயாரிக்கும் படத்தில் தன்னுடன் கல்லூரியில் படித்த நண்பர் அருண்ராஜா காமராஜை இயக்குனராக அறிமுகப்படுத்தியுள்ளார். 

அருண்ராஜா காமராஜ் இயக்கியுள்ள கனா திரைப்படத்தில் சத்யராஜ், ஐஸ்வர்யா ராஜேஷ் உள்ளிட்ட பலர் நடித்துள்ளனர். பெண்கள் கிரிக்கெட்டை மையப்படுத்தி சிவகார்த்திகேயன் தயாரிக்கும் படத்திற்கு பலத்த எதிர்ப்பார்ப்பு கிளம்பியுள்ளது. இந்த படத்தில் சிவகார்த்திகேயனின் மகள் பாடிய ‘யார் இந்த தேவதை’ பாடலை  பட்டிதொட்டியெங்கும் பட்டையை கிளப்பியது. சிறு குழந்தைகள் முதல் பெரியவர்கள் வரை அனைவரையும் அந்த பாடல் கவர்ந்தது. 

இந்நிலையில் கனா படத்தின் ட்ரெய்லர் இன்று வெளியிடப்படும் என்று படக்குழு அறிவித்தது. அதன்படி கனா ட்ரெய்லர் இன்று வெளியானது. இந்த ட்ரெய்லரை இந்திய கிரிக்கெட் வீரர் அஸ்வின் வெளியிட்டார். ''விளையாட்டில் பெண்கள் ஆர்வம் கொள்வதற்கு கனா திரைப்படம் மிகப்பெரிய தூண்டுகோலாக அமையும் என நம்புகிறேன். பெண்களே இது மிகப்பெரிய கனவுக்கான நேரம்'' என்றும் அஸ்வின் குறிப்பிட்டுள்ளார்.

தமிழில் விளையாட்டு தொடர்பான திரைப்படங்கள் அதிகம் வெளியாகாத நிலையில் கனா திரைப்படம் அந்த வரிசைக்கு தொடக்கமாய் அமையும் என சினிமா ரசிகர்கள் தெரிவித்துள்ளனர். ''உன்னால முடியாதுனு யாராவது சொன்னா நீ நம்ப வேண்டியது அவங்கள இல்ல உன்ன'' என்ற வசனமும், ''இந்த உலகம் ஜெயிச்சிருவேன்னு சொன்னா கேக்காது.ஆனா ஜெயிச்சவன் சொன்னா கேட்கும். நீ எது பேசுறதா இருந்தாலும் ஜெயிச்சுட்டு பேசு'' போன்ற வசனமும் கனா ட்ரெய்லரில் அதிகம் கவனம் கொள்கின்றன. ஒரு மிகப்பெரிய கனவைத்தாங்கும் ஏழை பெண்ணாக நடித்துள்ள ஐஸ்வர்யா ராஜேஷ்க்கு இந்த திரைப்படம் மிகப்பெரிய திருப்புமுனையாக அமையும் என்றும் எதிர்பார்க்கலாம்.

Advertisement:
Advertisement:
Advertisement:
[X] Close