டெங்கு காய்ச்சல் பாதிப்பு குறித்து ஆய்வு செய்ய வந்துள்ள மத்திய குழுவால் எந்த பயனும் ஏற்படாது என எதிர்க்கட்சித் தலைவர் மு.க.ஸ்டாலின் விமர்சித்துள்ளார். 

சென்னை கொளத்தூர் தொகுதிக்கு உட்பட்ட பகுதிகளில் ஆய்வு மேற்கொண்ட எதிர்க்கட்சித் தலைவர் மு.க.ஸ்டாலின், பொதுமக்களிடம் குறைகளை கேட்டறிந்தார். டெங்கு காய்ச்சல் குறித்து விழிப்புணர்வு ஏற்படுத்தும் விதமாக துண்டு பிரசுரங்கள் கொடுத்த அவர், பொது‌மக்களுக்கு நிலவேம்புக் கஷாயமும் வழங்கினார். பின்னர் செய்தியாளர்களிடம் பேசிய ஸ்டாலின், மாவட்டம் தோறும் எம்.ஜி.ஆர் நூற்றாண்டு விழா நடத்துவதில் கவனம் செலுத்தும் அரசு, டெங்கு காய்ச்சலை கட்டுப்படுத்த தவறி விட்டதாக குற்றம்சாட்டினார். டெங்கு காய்ச்சல் பாதிப்பு குறித்து ஆய்வு செய்ய வந்துள்ள மத்திய குழுவால் எந்த பயனும் ஏற்படாது என ஸ்டாலின் கூறினார்.