Published : 16,Sep 2017 05:40 AM

தவான் இழப்பை ஈடுசெய்யும் வீரர்கள் உள்ளனர்: ரோகித் ஷர்மா நம்பிக்கை!

who-compensate-the-loss-of-Dhawan-Rohit-Sharma-believes

ஆஸ்திரேலியாவுக்கு எதிரான நாளைய ஆட்டத்தில் தவான் இல்லாதது இழப்பு என்றாலும், அதை ஈடுசெய்யும் வீரர்கள் இந்திய அணியில் உள்ளதாக துணைக் கேப்டன் ரோகித் ஷர்மா நம்பிக்கை தெரிவித்துள்ளார்.

இந்தியா - ஆஸ்திரேலியா கிரிக்கெட் அணிகள் இடையே 5 ஒருநாள் போட்டிகள் மற்றும் மூன்று டி20 போட்டிகள் நடைபெறவுள்ளன. முதல் ஒருநாள் போட்டி நாளை நடைபெறவுள்ள நிலையில், விராட் கோலி தலைமையிலான இந்திய அணி வீரர்கள் சென்னை சேப்பாக்கத்தில் பயிற்சியில் ஈடுபட்டுள்ளனர். தொடரை வெற்றியுடன் தொடங்கும் முனைப்பில் இரு அணி வீரர்களும் தீவிர பயிற்சி மேற்கொண்டுள்ளதால், நாளைய ஆட்டம் விறுவிறுப்பாக இருக்கும் என எதிர்பார்க்கப்படுகிறது. இந்திய அணி சேப்பாக்கம் மைதானத்தில் இதுவரை விளையாடியுள்ள 11 ஒருநாள் ‌கிரிக்கெட் போட்டிகளில் 6 வெற்றியும், 4 தோல்வியும், 1 முடிவில்லாத நிலையையும் அடைந்துள்ளது.

நாளை தொடங்கவுள்ள தொடரில் இந்தியாவின் தொடக்க ஆட்டக்காரரான தவான், அவரது மனைவிக்கு உடல்நிலை சரியில்லாத காரணத்தால் முதல் 3 போட்டிகளில் விளையாடமாட்டார் என்று அறிவிக்கப்பட்டுள்ளது. தவான் இல்லாதது, ஆஸ்திரேலிய அணிக்கு சாதகமாக அமையும் என அந்த அணியின் சுழற்பந்து வீச்சாளர் ஆஸ்டன் அகர் தெரிவித்துள்ளார். இந்நிலையில், இதுகுறித்து கருத்து தெரிவித்துள்ள இந்தியாவின் துணைக்கேப்டனும், மற்றொரு தொடக்க ஆட்டக்காரருமான ரோகித் ஷர்மா, இந்திய கிரிக்கெட் அணி வீரர்கள் எந்த வரிசையிலும் களமிறங்கி பேட்டிங் செய்யத் தயாராக இருப்பதாக தெரிவித்துள்ளார். அத்துடன் தவான் விளையாடாதது இழப்பு என்றாலும், அந்த இடத்தை நிரப்பும் வீரர்கள் இந்திய அணியில் இடம் பெற்றிருப்பதாகவும் அவர் கூறினார்.

சற்று முன்



எடிட்டர் சாய்ஸ்