[X] Close >

நிவர் புயல் அச்சம்: புதுக்கோட்டையில் மெழுகுவர்த்திக்கு தட்டுப்பாடு, பொதுமக்கள் அவதி

Fear-of-Nivar---Shortage-of-candles-in-Pudukkottai--public-suffering

நிவர் புயல் அச்சத்தின் காரணமாக மக்கள், அரிசி,காய்கறிகள் உள்ளிட்ட அத்தியாவசிய பொருட்களை வாங்குவதற்காக கடைகளில் மக்கள் குவிந்து வரும் நிலையில் புதுக்கோட்டை மாவட்டம் முழுவதும் கடைகளில் மெழுகுவர்த்தி கிடைக்காததால் பொதுமக்கள் அவதிக்கு உள்ளாகி உள்ளனர்.


Advertisement

image

நிவர் புயல் நாளை கரையை கடக்கும் என வானிலை மையத்தால் அறிவிக்கப்பட்டுள்ள நிலையில் ஏற்கனவே கஜா புயலால் கடும் பாதிப்பை சந்தித்து புதுக்கோட்டை மாவட்ட மக்கள் புயலின் பாதிப்பில் இருந்து தங்களைப் பாதுகாத்துக் கொள்ள பல்வேறு முன்னெச்சரிக்கை மற்றும் பாதுகாப்பு நடவடிக்கைகளில் ஈடுபட்டு வருகின்றனர். அதன் ஒரு பகுதியாக அரிசி, காய்கறிகள்,மருத்துவ பொருட்கள் உள்ளிட்ட அத்தியாவசியப் பொருட்களை வாங்கி சேகரித்து வைப்பதற்காக பொதுமக்கள் கடைவீதிகளில் அதிக அளவு குவிந்து வருகின்றனர்.


Advertisement

இந்நிலையில் நேற்று இரவு முதலே மாவட்டம் முழுவதும் உள்ள கடைகளில் மெழுகுவர்த்தி மற்றும் தீப்பெட்டி பாக்கெட்டுகள் விற்று தீர்ந்துவிட்டதால் இன்று மெழுகுவர்த்தி கிடைக்காமல் பொதுமக்கள் சிரமத்திற்கு உள்ளாகி உள்ளனர். இதனை சாதகமாக பயன்படுத்தி பல்வேறு கடையின் உரிமையாளர்கள் அதிக விலைக்கு மெழுகுவர்த்திகளை விற்பனை செய்வதால் பொது மக்கள் பாதிப்படைந்துள்ளனர். உடனடியாக புதுக்கோட்டை உள்ளிட்ட டெல்டா மாவட்டங்களுக்கு மெழுகுவர்த்தி தீப்பெட்டி உள்ளிட்ட பொருட்களை அதிக அளவு இறக்குமதி செய்து அனைத்து மக்களுக்கும் தடையின்றி கிடைக்க அரசு வழிவகை செய்யவேண்டும் என்றும் புதுக்கோட்டை மாவட்ட மக்கள் கோரிக்கை விடுத்துள்ளனர்.

Advertisement:

Advertisement

Advertisement

Advertisement
[X] Close