தள்ளிப்போகிறதா பள்ளிகள் திறப்பு? இன்று அறிவிப்பு வெளியாக வாய்ப்பு

TN-CM-may-announce-about-school-open-decision-today

தமிழகத்தில் பள்ளிகள் திறப்பது குறித்து இன்று முதல்வர் அறிவிப்பை வெளியிடுவார் என எதிர்பார்க்கப்படுகிறது.


Advertisement

தமிழகத்தில் 9 ஆம் வகுப்பு முதல் 12 ஆம் வகுப்பு வரையிலான மாணவர்களுக்கு நவம்பர் 16 ஆம் தேதி முதல் பள்ளிகளைத் திறக்க முதல்வர் எடப்பாடி பழனிசாமி ஏற்கெனவே உத்தரவிட்டிருந்தார். முதல்வரின் இந்த முடிவுக்கு பெற்றோர்கள், கல்வியாளர்கள், எதிர்கட்சியினர் உள்ளிட்டோர் கடும் எதிர்ப்பு தெரிவித்தனர். கொரோனா பரவலுக்கு மத்தியில் பள்ளிகளை திறக்கக் கூடாது என வலியுறுத்தினர். இதனையடுத்து பள்ளிகளை திறக்கலாமா வேண்டாமா என மாணவர்களின் பெற்றோர்களிடம் கருத்துக் கேட்பு நடைபெற்றது. இதில், 45 சதவிகித பெற்றோர்கள் பள்ளிகள் திறப்பது குறித்து கருத்து தெரிவித்ததாகவும், அதனடிப்படையில், இன்றைக்குள் முதல்வர் அறிவிப்பை வெளியிடுவார் என பள்ளிக்கல்வித் துறை அமைச்சர் செங்கோட்டையன் தெரிவித்திருந்தார்.

இதனிடையே பள்ளிகள் திறப்பு அறிவிப்பை ரத்து செய்யக்கோரி தொடரப்பட்ட வழக்கில், டிசம்பருக்குப் பின் பள்ளி, கல்லூரிகளைத் திறக்கலாமே என உயர்நீதிமன்ற மதுரைக்கிளை கருத்து தெரிவித்திருந்தது. மேலும் பெரும்பாலான பெற்றோர் பள்ளி, கல்லூரிகளைத் திறக்க விருப்பம் தெரிவிக்கவில்லை எனவும் அரசு தரப்பில் நீதிமன்றத்தில் தெரிவிக்கப்பட்டிருந்தது.


Advertisement

image

இந்த நிலையில் நேற்று தூத்துக்குடியில் செய்தியாளர்களிடம் பேசிய முதலமைச்சர் எடப்பாடி பழனிசாமி பெற்றோர்கள் தெரிவித்த கருத்துக்களின் அடிப்படையில் பள்ளிகள் திறப்பில் முடிவெடுக்கப்படும் என கூறினார். அதன்படி பள்ளிகள் திறப்பது குறித்த அறிவிப்பை முதல்வர் இன்று வெளியிடுவார் என எதிர்பார்க்கப்படுகிறது.

Advertisement:

Advertisement

Advertisement

Advertisement