"சாத்தான்குளம் ரத்தம் காய்வதற்குள் நெய்வேலியில் ஒரு கஸ்டடி கொலை" மு.க.ஸ்டாலின் கண்டனம் !

சாத்தான்குளம் இரத்தம் காய்வதற்குள் நெய்வேலியில் ஒரு கஸ்டடி கொலை நடைபெற்றுள்ளதாக திமுக தலைவர் மு.க.ஸ்டாலின் கண்டனம் தெரிவித்துள்ளார்.

இது குறித்து அவர் இன்று வெளியிட்டுள்ள அறிக்கையில் "கடலூர் - பண்ரூட்டியில் செல்வமுருகன் என்பவர் நெய்வேலி நகரக் காவல்நிலையப் போலீஸாரின் சித்ரவதைக்குப் பலியாகியிருக்கிறார். சாத்தான் குளம் இரட்டைக் கொலைக்குப் பிறகு, உயர்நீதிமன்றமே எச்சரித்தும் போலீஸ் டார்ச்சரும், அதனால் கஸ்டடி மரணங்களும் தொடருகிறது" என்றார்.

சாத்தான்குளம் இரத்தம் காய்வதற்குள் நெய்வேலியில் ஒரு கஸ்டடி கொலை - செல்வமுருகன் என்பவர் பலி!@CMOTamilNadu-ன் பொறுப்பில் இருக்கும் காவல்துறை வழிகாட்டுதல் இன்றி தடுமாறுகிறது.

இதையும் வழக்கம் போல் மறைக்க முயலாமல் தீவிரமாக விசாரித்து கொலைக்கு காரணமானவர்கள் தண்டிக்கப்பட வேண்டும். pic.twitter.com/2Y0OvDf3Fh

Advertisement

— M.K.Stalin (@mkstalin) November 7, 2020

மேலும் "அதிமுக ஆட்சியில் காவல்துறை சரியான வழிக்காட்டுதல்கள் இல்லாமல் தடுமாறுகிறது. செல்வமுருகனை காவல் நிலையத்திற்கு அழைத்து வந்தது உண்மையான வழக்கிற்காகவா , பொய்ப் புகாரிலா, ஏன் மிருகத்தனமாக தாக்கப்பட்டார் தாக்கிய போலீஸ் யார் யார் ? காயங்களுடன் சிறைச்சாலையில் செல்வமுருகன் அடைக்கப்பட்டது எப்படி ? அதற்கு உடந்தையாக இருந்தவர்கள் யார் யார் ? " என்று கேள்விகளை எழுப்பியுள்ளார் ஸ்டாலின்.

மேலும் "இந்த விவகாரத்தில் தீவிரமாக விசாரித்து கடும் நடவடிக்கை எடுக்க வேண்டும். வழக்கம்போல் மறைத்து, தமிழக காவல்துறையின் எஞ்சியிருக்கின்ற பெருமையையும் முதலமைச்சர் சீர்குலைத்து விட வேண்டாம்" என ஸ்டாலின் கேட்டுக்கொண்டுள்ளார்.