டாஸ் வென்றது டெல்லி: முதலில் பேட் செய்யும் கொல்கத்தா !

ஐபிஎல் தொடரின் இன்றையப் போட்டியில் டாஸ் வென்ற கொல்கத்தா முதலில் பீல்டிங் செய்கிறது. இதனையடுத்து இந்தப் போட்டியில் முதலில் பேட்டிங் செய்கிறது கொல்கத்தா.

ஸ்ரேயாஸ் தலைமையிலான டெல்லி அணியும் மார்கன் தலைமையிலான கொல்கத்தா அணியும் அபுதாபியில் பிற்பகல் 3.30 மணிக்கு நடைபெறும் போட்டியில் களம்காண்கின்றன.

இதுவரை 10 ஆட்டங்களில் விளையாடியுள்ள டெல்லி அணி, அதில் 7-இல் வென்று 14 புள்ளிகளைப் பெற்றுள்ளது. அதேநேரத்தில் கொல்கத்தா அணி இதுவரை 10 ஆட்டங்களில் விளையாடி 5 வெற்றிகளை மட்டுமே பெற்றுள்ளது. எனவே, டெல்லிக்கு எதிரான ஆட்டத்தில் வென்றால் மட்டுமே அந்த அணி பிளே ஆஃப் சுற்று வாய்ப்பை தக்கவைக்க முடியும் என்ற இக்கட்டான நிலையில் களமிறங்குகிறது.

டெல்லி அணியில் தொடக்க வீரர் பிருத்வி ஷாவுக்கு பதிலாக ரஹானே சேர்க்கப்பட்டுள்ளார். அதேபோல அன்ரிச் நார்சே மீண்டும் அணிக்கு திரும்பியுள்ளார். கொல்கத்தா அணியில் சுனில் நரேனும், நாகர்கோட்டியும் சேர்க்கப்பட்டுள்ளனர்.