''மெசேஜ் வரவும் இல்லை.. போகவும் இல்லை'' - உலகம் முழுவதும் முடங்கிய வாட்ஸ் அப்!

பேஸ்புக் நிறுவனத்தைச் சேர்ந்த வாட்ஸ் அப் உலகளவில் பல பயனாளர்களுக்கு சிக்கலை உண்டாக்கி உள்ளது

நேற்றைய தினம், ஜிமெயிலில் போட்டோ மற்றும் ஃபைல்களை அட்டாச் செய்ய முடியவில்லை என சில பயனர்கள் தெரிவித்துள்ளனர். ஒரு சிலர் ஜிமெயில் தளத்திற்குள் லாக்-இந்த செய்ய முடியவில்லை எனவும் புகார் தெரிவித்துள்ளனர்.

இதனை உறுதிப்படுத்தும் விதமாக நெட்வொர்க் செயலிழப்பை கண்காணிக்கும் பிரபல போர்டல் நிறுவனம் ஒன்று அமெரிக்காவின் EDT நேரப்படி நேற்று அதிகாலை 1:16 மணி முதல் கூகுள் சிக்கல்களை சந்தித்து கொண்டிருப்பதாக ரிப்போர்ட் செய்திருந்தது. இந்நிலையில் இன்று வாட்ஸ் அப்பிலும் பல பயனாளர்களுக்கு சிக்கல் எழுந்துள்ளது.

பேஸ்புக் நிறுவனத்தைச் சேர்ந்த வாட்ஸ் அப் உலகளவில் பல பயனாளர்களுக்கு சிக்கலை உண்டாக்கி உள்ளது என்றும், மெசேஜ் அனுப்ப முடியவில்லை என்றும், அதேபோல் மற்றவர்கள் அனுப்பும் மெசேஜும் வரவில்லை என்றும் புகார் தெரிவித்துள்ளனர். வாட்ஸ் அப்பின் சர்வரில் ஏற்பட்ட பிரச்னை காரணமாகவே வாட்ஸ் அப்பில் சிக்கல் ஏற்பட்டுள்ளதாக கூறப்பட்டுள்ளது.

குறிப்பாக தெற்கு அமெரிக்காவில் இந்த பிரச்னை ஏற்பட்டுள்ளதாக தெரிவிக்கப்பட்டுள்ளது. மிக விரைவில் இது சரிசெய்யப்படும் எனவும் எதிர்பார்க்கப்படுகிறது.