திருவாரூர் - பருத்தி விவசாயிகள் போராட்டம் : போலீசார் வழக்குப்பதிவு

திருவாரூரில் அனுமதியின்றி போராட்டம் நடத்தியதாக பருத்தி விவசாயிகள் மீது காவல்துறையினர் 3 பிரிவின் கீழ் வழக்குப்பதிவு செய்துள்ளனர்.

திருவாரூர் மாவட்டம் மூங்கில்குடி ஒழுங்குமுறை விற்பனை கூடத்தில் சாகுபடி செய்யப்பட்ட பருத்தியை விற்பனை செய்ய வந்த விவசாயிகளிடம், அரசு அறிவித்த விலையை விட குறைந்த விலைக்கு கேட்பதாக குற்றச்சாட்டு எழுந்துள்ளது.

இந்திய பருத்தி கழகத்தின் சார்பில் 55 ரூபாய்க்கு பருத்தி எடுக்கும் நிலையில் குறைந்த அளவு மட்டுமே பருத்தியை கொள்முதல் செய்வதாக கூறி மற்ற விவசாயிகளின் பருத்தியை 30 ரூபாய்க்கு கேட்பதாகவும் விவசாயிகள் சாலை மறியல் போராட்டத்தில் ஈடுபட்டனர்.

மும்பையில் வேகமாக பரவும் கொரோனா: தடுமாறும் மகாராஷ்டிரா..!

இதையடுத்து போலீசார், விவசாயிகள் மீது பொதுமக்களுக்கு இடையூறு ஏற்படுத்தும் வகையில் போராட்டத்தில் ஈடுபடுதல், காவல் துறையினரின் அனுமதி இன்றி போராட்டம் செய்தல் உள்ளிட்ட மூன்று பிரிவின் கீழ் வழக்குப்பதிவு செய்துள்ளனர்.