JUST IN

Advertisement

முத்ரா கடன் திட்டத்தில் வாராக்கடன்கள் அதிகரிப்பு: ஆர்பிஐ துணை ஆளுநர் கவலை..!

india-s-first-5g-video-call-demoed-by-ericsson-qualcomm-at-imc

வங்கிகளில் முத்ரா திட்டத்தின் கீழ் வழங்கப்படும் கடன்கள், வாராக்கடன்களாக அதிகரித்து வருவதாக ‌ரிசர்வ் வங்கியின் துணை ஆளுநர் எம்.கே.ஜெயின் கவலை தெரிவித்துள்ளார்.


Advertisement

முதலீட்டிற்கு சிரமப்படும் சிறு, குறு மற்றும் ‌நடுத்தர நிறுவனங்கள் மற்றும் தொழில்முனைவோருக்கு உதவும் நோக்கில் கடந்த 2015-ஆம் ஆண்டு முத்ரா‌ கடன் திட்டத்தை மத்திய அரசு அறிமுகப்படுத்தியது. இந்தத் திட்டத்தில் மூன்று பிரிவுகளில் கடன் வழங்கப்பட்டு வருகிறது. சிசு பிரிவின் கீழ் 50 ஆயிரம் ரூபாய்‌ வரையிலும், கிஷோர் பிரிவின் கீழ் 50 ஆயிரம் ரூபாய் முதல் 5 லட்சம் ரூபாய் வரையிலும், தருண் பிரிவின் கீழ் 5 லட்சம் ரூபாய் முதல் 10 லட்சம் ரூபாய் வரையிலும் கடன் வழங்கப்படுகிறது.


Advertisement

இந்நிலையில், முத்ரா திட்டத்தில் வாராக்கடன்கள் அதிகரித்து வருவதாக ரிசர்வ் வங்கியின் துணை ஆளுநர் எம்.கே.ஜெயின் தெரிவித்துள்ளார். 2016-17-ஆம் நிதியாண்டில் முத்ரா திட்டத்தின் மூன்று பிரிவின் கீழ் ஒரு லட்சத்து 75 ஆயிரத்து 312 கோடி ரூபாய் அளவிற்கு கடன்கள் வழங்கப்பட்டுள்ளது புள்ளி விவரங்களில் தெரியவந்துள்ளது.

அடுத்து வந்த 2017-18-ஆம் நிதியாண்டில் 2 லட்சத்து 46 ஆயிரத்து 437 கோடி ரூபாய் அளவிற்கும், 2018-19-ஆம் நிதியாண்டில் 3 லட்சத்து 11 ஆயிரத்து 811 கோடி ரூபாய் அளவிற்கும் முத்ரா திட்டத்தின் கீழ் கடன் வழங்கப்பட்டிருக்கிறது. இவ்வாறு வழங்கப்பட்ட கடன்களில் திருப்பிச் செலுத்தாத வாராக்கடன்கள் அதிகரித்து வருவதாகவும், அவற்றை வங்கிகள் கண்காணித்து வசூலிக்கும் நடவடிக்கைகளில் ஈடுபட வேண்டும் என்றும் அவர் வலியுறுத்தியுள்ளார்.

Advertisement:

Advertisement

Advertisement

Advertisement