'இத்தாலிக்கே திரும்ப செல்லுங்கள்'- ராகுல் காந்திக்கு எதிர்ப்பு தெரிவித்த விவசாயிகள்

உத்தரப் பிரதேசத்தில் காங்கிரஸ் தலைவர் ராகுல்காந்திக்கு எதிராக விவசாயிகள் போராட்டம் நடத்தினர்.

இன்னும் சில மாதங்களில் மக்களவைத் தேர்தல் நடைபெற உள்ளது. இதனிடையே தேர்தல் பரப்புரைக்காக தனது சொந்த தொகுதியான உத்தரப்பிரதேச மாநிலம் ரேபரேலிக்கு காங்கிரஸ் தலைவர் ராகுல்காந்தி நேற்று சென்றார். அப்போது அவருக்கு எதிராக விவசாயிகள் போராட்டம் நடத்தினர்.

அமேதி தொகுதியில் உள்ள கௌரிகஞ்ச் பகுதியில் போராட்டம் நடத்திய விவசாயிகள், ராகுல்காந்திக்கு எதிராக முழுக்கங்களை எழுப்பினர். அத்ததுடன் ராஜூவ் காந்தி அறக்கட்டளைக்கு வழங்கப்பட்ட தங்களின் நிலத்தை திரும்ப வழங்க வேண்டும் இல்லையென்றால் போதிய வேலைவாய்ப்பை உருவாக்க வேண்டும் என அவர்கள் வலியுறுத்தினர்.

போராட்டத்தில் ஈடுபட்ட விவசாயி ஒருவர் கூறும்போது, “ ராகுல்காந்தியால் நாங்கள் மிக வருத்தத்தில் உள்ளோம். அவர்  இத்தாலிக்கே செல்லட்டும். இங்கிருக்க அவருக்கு தகுதியில்லை. எங்களின் நிலத்தை அவர் பிடுங்கிக்கொண்டார்” எனத் தெரிவித்தார். முன்னதாக உத்தரப்பிரதேசத்தில் விவசாயிகளின் நிலத்தை ராகுல்காந்தி, அறக்கட்டளை மூலம் பிடுங்கி கொண்டுள்ளதாக ஸ்மிருதி இரானியும் குற்றம்சாட்டியிருந்தார் என்பது குறிப்பிடத்தக்கது.