உள்நாட்டு போருக்கு பின் திறக்கப்பட்ட நெடுஞ்சாலை - சிரிய மக்கள் கொண்டாட்டம்

சிரியாவின் மூன்றாவது மிகப் பெரிய நகரமான ஹமாவின் சர்வதேச நெடுஞ்சாலை மீண்டும் திறக்கப்பட்டது. உள்நாட்டுப் போர் காரணமாக பல ஆண்டுகளாக மூடப்பட்டிருந்த சாலை மீண்டும் திறக்கப்பட்டதால் சிரியா மக்கள் உற்சாகத்துடன் கொண்டாடிவருகின்றனர். 

இது தலைநகர் டமாஸ்கஸ் மற்றும் அலிபோ ஆகிய நகரங்களை இணைக்கும் சர்வதேச நெடுஞ்சாலையாகும். இந்த சாலை மூடப்பட்டிருந்த போது ஹமாவிலிருந்து ஹோம்ஸ் பகுதிக்கு சுமார் 150 கிலோ மீட்டர் தொலைவு சுற்றி செல்லவேண்டியிருந்த நிலையில் தற்போது 45 கிலோ மீட்டர் தூரம் மட்டுமே இருப்பதால் அப்பகுதி மக்கள் மகிழ்ச்சியடைந்துள்ளனர். 

சாலை திறப்புவிழாவின் போது ஏராளமான பொதுமக்கள், ராணுவ வீரர்கள் உற்சாகத்துடன் கொடியசைத்து வரவேற்றனர். ஹமாஸ் முதல் ஹோம்ஸ் வரை வர்த்தக போக்குவரத்துக்கு முக்கிய சாலையாக இந்த M5 நெடுஞ்சாலை பயன்படும் என ஹோம்ஸ் மாகாண ஆளுநர் தலால் அர்பராஸி நம்பிக்கை தெரிவித்துள்ளார்.