‘குடிக்க பணம் தரமாட்டியா’: அண்ணன் மூக்கை கடித்து துப்பிய தம்பி!

Web Team

06,Apr 2018 05:21 AM

UP-Man-Bites-Off-Brother-s-Nose--Attacks-Father-After-Denied-Money-For-Alcohol

குடிப்பதற்கு பணம் தராத அண்ணின் மூக்கைக் தம்பி கடித்த சம்பவம் உத்தரப்பிரதேசத்தில் நிகழ்ந்துள்ளது.

உத்தரப் பிரதேச மாநிலம் கன்னூஜ் நகரில் வசிப்பவர் சோப்ரான். இவரது தம்பி ஸ்ரீகாந்த குடிப்பழக்கத்திற்கு அடிமையாகியுள்ளார். தன்னிடம் பணம் இல்லாத போது, தன் அண்ணனிடம் பணம் கேட்டு குடிப்பார். அதேபோன்று நேற்றும் தன் அண்ணிடம் குடிப்பதற்கு பணம் வேண்டும் என ஸ்ரீகாந்த் கேட்டுள்ளார்.

ஆனால் குடிப்பதற்கு பணம் தர முடியாது என சோப்ரான் மறுத்திவிட்டார். இதனால் இருவருக்கும் வாக்குவாதம், ஏற்பட்டு தகராறில் முடிந்தது. இதில் ஆத்திரமடைந்த ஸ்ரீகாந்த், அண்ணன் சோப்ரானின் மூக்கை கடித்துத் துப்பினார். மேலும், தடுக்க வந்த குடும்பத்தினரையும் அவர் தாக்கியுள்ளார். இதுகுறித்து தகவலறிந்து வந்த காவல்துறையினர் ஸ்ரீகாந்தை கைது செய்தனர்.