[X] Close
JUST IN
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது

இலங்கை பிரதமராக நாளை பதவியேற்கிறார் ரணில் விக்கிரமசிங்கே..?

ranil-wickramasinghe-sworn-as-sri-lanka-pm-today

இலங்கை பிரதமராக ரணில் விக்கிரமசிங்கேவை நியமிக்க அதிபர் சிறிசேன ஒப்புக்கொண்டதாக தகவல்கள் வெளியாகியுள்ளன.

இலங்கை பிரதமராக இருந்த ரணில் விக்கிரமசிங்கேவை நீக்கிவிட்டு, முன்னாள் அதிபர் மஹிந்தா ராஜபக்சவை பிரதமராக அதிபர் மைத்ரிபால சிறிசேன பதவி பிரமாணம் செய்து வைத்த நாள் முதல் இலங்கை அரசியலில் தொடர்ந்து பரபரப்பு நிலவி வருகிறது. நாடாளுமன்றத்தில் ராஜபக்சவுக்கு பெரும்பான்மை கிடைக்காத நிலை இருந்த போது, நாடாளுமன்றத்தை சிறிசேன அதிரடியாக கலைத்தார்.

இதனிடையே, நாடாளுமன்றத்தை கலைத்த அதிபர் சிறிசேனவின் உத்தரவு சட்டவிரோதமானது என்று இலங்கை உச்சநீதிமன்றம் அதிரடி தீர்ப்பு அளித்தது. அதிபர் சிறிசேன தன்னிச்சையாக எந்த முடிவையும் எடுக்க முடியாது என்று நீதிமன்றம் தெரிவித்தது. இந்நிலையில் இலங்கை பிரதமர் பதவியிலிருந்து மஹிந்த ராஜபக்ச ராஜினாமா செய்ய முடிவு செய்திருப்பதாக அவரது மகன் நமல் ராஜபக்ச ட்விட்டரில் தெரிவித்துள்ளார்.

இதனையடுத்து இலங்கை பிரதமராக ரணில் விக்கிரமசிங்கேவை நியமிக்க அதிபர் சிறிசேன ஒப்புக்கொண்டதாக தகவல்கள் வெளியாகியுள்ளன. நாளை காலை 10 மணிக்கு ரணில் பிரதமராக பதவியேற்பார் என வானொலி ஒன்றுக்கு ஐக்கிய தேசிய கட்சி எம்பி ரஜித சேனரத்ன தெரிவித்ததாக தகவல் வெளியாகியுள்ளது. திங்கள்கிழமை ரணில் தலைமையில் புதிய அமைச்சரவை பதவியேற்கும் என்றும் உறுதிப்படுத்தப்படாத தகவல்கள் வெளியாகியுள்ளன.

ரணிலை மீண்டும் பிரதமராக்க மாட்டேன் என சிறிசேன நேற்று காலை கூறியிருந்தார். இதைத் தொடர்ந்து நேற்று மாலை ரணிலுடன் தொலைபேசியில் பேசிய பின்பு அவரை மீண்டும் பிரதமராக்கும் முடிவுக்கு சிறிசேன வந்ததாக தெரிகிறது. எனவே இலங்கையில் மீண்டும் பழைய சூழல் திரும்பியுள்ளது.
 

Advertisement:
இது தொடர்பான செய்திகள் :
Advertisement:
Advertisement:
[X] Close