[X] Close
JUST IN
  • BREAKING-NEWS ஊடகங்களிடம் பேச அஞ்சும் பிரதமராக நான் இருக்கவில்லை; ஒவ்வொரு வெளிநாட்டு பயணம் முடிந்ததும் பத்திரிகையாளர் சந்திப்பு நடத்தியிருக்கிறேன் - முன்னாள் பிரதமர் மன்மோகன் சிங்
  • BREAKING-NEWS ரூ.1,258 கோடியில் மதுரையில் எய்ம்ஸ் அமைக்க மத்திய அமைச்சரவை ஒப்புதல் அளித்தது
  • BREAKING-NEWS 2 லட்சம் ரூபாய் வரையிலான விவசாயக் கடன்கள் தள்ளுபடி - மத்திய பிரதேச முதல்வர் கமல்நாத் அறிவிப்பு
  • BREAKING-NEWS மோடிதான் இந்தியாவின் அடுத்த பிரதமராக வருவார் - தமிழிசை சவுந்தரராஜன்
  • BREAKING-NEWS சென்னையில் பெட்ரோல் லிட்டருக்கு ரூ.72.99 காசுகளாகவும், டீசல் லிட்டருக்கு ரூ.67.97 காசுகளாகவும் விலை நிர்ணயம்
  • BREAKING-NEWS ஸ்டெர்லைட் விவகாரத்தில் பசுமை தீர்ப்பாய உத்தரவை எதிர்த்து உச்சநீதிமன்றம் செல்வேன் - வைகோ
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி

அகுங் எரிமலை: சீற்றத்திலும் கோயில் அருகில் வராத எரிமலை குழம்பு!

bali-agung-volcano-eruption-lava-didnt-touch-the-temple

இந்தோனேசியாவில் எரிமலைச் சீற்றத்தால் பாலித் தீவின் சுற்றுலாத் துறை மிகவும் பாதிக்கப்பட்டிருக்கிறது. அடுத்தடுத்த ஆண்டுகளிலும் இந்தச் சிக்கல் நீடிக்கலாம் என்று கருதப்படுகிறது. சீறிக் கொண்டிருக்கும் அகுங் எரிமலை, பாலித் தீவின் புவியியல் அமைப்பில் முக்கியப் பங்கு வகுக்கிறது.

இந்தோனேசியாவின் பாலித் தீவின் காலநிலையைத் தீர்மானிப்பதில் முக்கியப் பங்கு வகிப்பது அகுங் எரிமலை. முக்கியச் சுற்றுலாத் தலமாக விளங்கும் பாலியின் மிக உயரமான பகுதி அகுங் மலைதான். அருகில் உள்ள தீவுகளில் இருந்துகூட அகுங் மலையின் உச்சியைப் பார்க்க முடியும். இதிகாசங்களில் கூறப்படும் மேரு மலையின் இன்னொரு வடிவமாகவே அகுங் எரிமலையை பாலித் தீவு மக்கள் நம்புகிறார்கள். இதுதான் உலகத்தின் மையம் என்றும் அவர்கள் நம்புகிறார்கள். பாலித் தீவின் மிக முக்கியமான ஹிந்து மதக்கோயில் ஒன்று இந்த மலையின் சரிவில் அமைந்திருக்கிறது.

உலகில் சீற்றம் மிகுந்த எரிமலைகளுள் ஒன்றாகக் கருதப்படும் அகுங், வரலாற்றில் பல முறை எரிமலைக் குழம்புகளையும் சாம்பலையும் கக்கியிருக்கிறது. 1843-ஆம் ஆண்டு இதன் சீற்றம் முதல் முறையாகப் பதிவு செய்யப்பட்டிருக்கிறது. எனினும் அப்போது ஏற்பட்ட பாதிப்புகள் குறித்து தெளிவான தகவல்கள் இல்லை. 1963-ஆம் ஆண்டு மிகக் கடுமையான சீற்றம் காரணமாக லாவா குழம்புகள் சுமார் 10 கிலோ மீட்டர் சுற்றளவுக்கு வீசப்பட்டது. ஆயிரத்துக்கும் மேற்பட்டோர் கொல்லப்பட்டார்கள். பல கிராமங்கள் சாம்பலாகின. ஆயினும் மலைச் சரிவில் இருந்த கோயிலுக்கு எந்தச் சேதமும் ஏற்படவில்லை. கோயிலின் சில அடி தொலைவு வரை லாவா குழம்புகள் வந்த நிலையில், கோயிலுக்கு எதுவும் ஆகவில்லை என்பதை பாலி மக்கள் கடவுளின் கருணை என்று கொண்டாடினார்கள்.

தற்போது மீண்டும் சீறிக் கொண்டிருக்கிறது அகுங் எரிமலை. செம்டம்பர் மாதத்தில் சுமார் 850 முறை நிலநடுக்கங்கள் உணரப்பட்டன. இரண்டு மாதங்கள் கழித்து நவம்பர் 25-ஆம் தேதி எரிமலைக் குழம்பு வெளியேறத் தொடங்கியது. ஆரஞ்சு நிறத் தீக்குழம்புகள், கரும்புகை, சாம்பல் ஆகியவை பல கிலோ மீட்டர் தொலைவுக்கு பாதிப்புகளை ஏற்படுத்தின. சுமார் 30,000 பேர் பாதுகாப்பான இடங்களுக்கு அப்புறப்படுத்தப்பட்டுள்ளனர். தீவின் பெரும்பகுதி புகை மண்டலமாகக் காட்சியளிப்பதால், இயல்பு நிலை திரும்புவதற்குப் பல மாதங்கள் ஆகலாம் எனக் கருதப்படுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close