[X] Close
JUST IN
  • BREAKING-NEWS தமிழக அரசு ஊழியர்களுக்கு 3% அகவிலைப்படி உயர்வு அறிவித்து அரசாணை வெளியீடு
  • BREAKING-NEWS கருத்துக்கணிப்புகளுக்குப்பின் பாஜக இருக்கிறது என கூறி எதிர்க்கட்சியினர் ஊடகங்களை உதாசீனம் செய்கிறார்கள் - தமிழிசை சவுந்தரராஜன்
  • BREAKING-NEWS கருத்துக்கணிப்புகள் திமுகவுக்கு சாதகமாக வந்தாலும் பாதகமாக வந்தாலும் அதை பொருட்படுத்துவதில்லை- தமிழகத்தில் திமுக பெரும்பான்மை இடங்களை பிடிக்கும் என்ற கருத்துக்கணிப்பு பற்றி மு.க.ஸ்டாலின் பேட்டி
  • BREAKING-NEWS தேசிய பங்குச்சந்தை குறியீட்டெண் நிஃப்டி 284 புள்ளிகள் உயர்ந்து 11,691ல் வர்த்தகம்
  • BREAKING-NEWS மும்பை பங்குச்சந்தை குறியீட்டெண் சென்செக்ஸ் 888.91 புள்ளிகள் உயர்ந்து 38,819ல் வர்த்தகம்
  • BREAKING-NEWS டெல்லியில் இன்று ராகுல் காந்தி, சோனியா காந்தியை மாயாவதி சந்திக்கவில்லை - பி.எஸ்.பி.
  • BREAKING-NEWS சென்னையில் பெட்ரோல் லிட்டருக்கு ரூ. 73.82 காசுகளாகவும், டீசல் லிட்டருக்கு ரூ. 69.88 காசுகளாகவும் விலை நிர்ணயம்

அமெரிக்கா நடவடிக்கை எடுத்தால் அது வடகொரியாவின் கருப்பு நாள்: டிரம்ப் கடும் எச்சரிக்கை!

america-trump-north-korea

அமெரிக்க ராணுவம் நடவடிக்கை எடுத்தால் அது வடகொரியாவின் கருப்பு நாளாக அமையும் என அமெரிக்க அதிபர் டொனால்டு டிரம்ப் தெரிவித்துள்ளார்.

அமெரிக்காவின் வாஷிங்டனில் இன்று பேசிய அதிபர் டிரம்ப், வடகொரியாவிற்கு எதிராக அமெரிக்க தனது ராணுவத்தை பயன்படுத்தவில்லை என்றும், அவ்வாறு செய்தால் அது வடகொரியாவின் கருப்பு தினமாக அமையும் என்றும் கூறினார். அத்துடன் வடகொரியா பியாங் கியாங் நகரில் நடத்திய 6-வது அணு ஆயுத சோதனையை குறிப்பிட்ட அவர், சர்வதேச பொருளாதாரத்தை பாதிக்கும் இதுபோன்ற செயல்களையும், மோசமான நடவடிக்கைகளையும் வடகொரியா நிறுத்த வேண்டும் என்று எச்சரித்தார்.

வடகொரியாவின் அணு ஆயுத சோதனைகள் இனிமேலும் தொடர்ந்தால், அமெரிக்க ராணுவம் தாக்குதல் நடத்தும் என்பது தவிர்க்க முடியாத ஒன்றாகும் என்றும் அவர் குறிப்பிட்டார். இனிமேல் வடகொரியாவுடன் பேச்சு வார்த்தையில் ஈடுபட வாய்ப்பில்லை என்றும், எனவே அந்நாட்டின் உறவு மற்றும் தொடர்புகளை முழுவதுமாக துண்டிக்குமாறும், அமெரிக்க உயர்மட்ட அதிகாரிகளிடம் டிரம்ப் வலியுறுத்தினார்.

இதுவரை வடகொரியாவிற்கு ஆதரவு அளித்து வந்த சீனா கூட கடந்த ஐநா கூட்டத்தில், வடகொரியாவின் தவறுகளை ஒப்புக் கொண்டதாகக் கூறிய டிரம்ப், வடகொரியாவின் அதிபர் கிம் ஜாங் உன்னிற்கு பாடம் புகட்டும் வகையில் எண்ணெய், துணிகள், வடகொரிய வேலையாட்கள் என அனைத்திற்கு தடை விதிக்க ஐநாவும், அமெரிக்காவும் முடிவெடுத்துள்ளதாக தெரிவித்தார். எனவே சீனா, ரஷ்யா உள்ளிட்ட நாடுகளும் வடகொரியாவுடனான வர்த்தகத் தொடர்பை நிறுத்திக் கொள்ளுமாறு அவர் வலியுறுத்தினார். மேலும், ஐநாவின் அணு ஆயுத விதிமுறைகளுக்கு எதிரான வடகொரியாவின் நடவடிக்கைகளுக்கு விரைவில் அமெரிக்கா உரிய பதிலடி கொடுக்கும் என்று அவர் எச்சரித்தார்.

Advertisement:
இது தொடர்பான செய்திகள் :
Related Tags : AmericaTrumpNorth Korea
Advertisement:
Advertisement:
[X] Close