[X] Close
JUST IN
  • BREAKING-NEWS சென்னை ஐஐடி மாணவி பாத்திமா தற்கொலை வழக்கு சிபிஐ விசாரணைக்கு மாற்றம்
  • BREAKING-NEWS லண்டனில் நடைபெற்ற மிஸ் வேர்ல்டு அழகிப் போட்டியில் மகுடம் சூடினார் ஜமைக்கா பெண். இந்திய அழகி சுமா ராவ் மூன்றாம் இடம் பிடித்தார்
  • BREAKING-NEWS கோவை அருகே தேக்கம்பட்டியில் தொடங்கியது கோயில் யானைகளின் வருடாந்திர நலவாழ்வு முகாம். இயற்கை எழில் மிகுந்த சூழலில் 28 யானைகள் உற்சாக கொண்டாட்டம்
  • BREAKING-NEWS அசாமை தொடர்ந்து மேற்கு வங்காளத்திலும் குடியுரிமை சட்டத்திற்கு எதிரான போராட்டங்கள் தீவிரம்
  • BREAKING-NEWS உள்ளாட்சித் தேர்தலில் போட்டியிட இதுவரை ஒரு லட்சத்து 65 ஆயிரம் பேர் வேட்பு மனுத் தாக்கல். நாளையுடன் வேட்பு மனுத் தாக்கல் நிறைவடைகிறது

மிக்ஸியை விற்று மது அருந்திய கணவன்.. ஆத்திரத்தில் கொன்ற மனைவி..!

thiruppur-women-killed-her-husband-during-quarrel-between-them

திருப்பூர் அருகே மிக்ஸியை விற்று மது அருந்திய கணவனை கட்டையால் தாக்கி கொலை செய்த மனைவியை காவல்துறையினர் கைது செய்தனர்.

திருப்பூர் மீனாட்சி நகரில் வசித்து வந்தவர் வெங்கடேசன். இவரும்‌, இவரது மனைவி உமாதேவியும் பனியன் நிறுவனத்தில் பணியாற்றி வந்தனர். கடந்த 2 மாதங்களுக்கு முன்பு வெங்கடேசனுக்கு, காயம் ஏற்பட்டதையடுத்து வீட்டில் இருந்தவாறு சிகிச்சைப் பெற்று வந்துள்ளார். நாளடைவில் மது பழக்கத்திற்கு அடிமையான அவர், வீட்டில் இருந்த பொருட்களை விற்று மது அருந்தி வந்ததாக தெரிகிறது. 

கடந்த 17-ஆம் தேதி வெங்கடேசன் இரு சக்கர வாகனத்தில் இருந்து கீழே விழுந்ததாக பல்லடம் அரசு மருத்துவமனையில் அனுமதிக்கப்பட்டார். அதனைத்தொடர்ந்து பல்லடம் காவல்துறையினர் விபத்து வழக்காக பதிவு செய்தனர். சிகிச்சை பலனின்றி வெங்கடேசன் உயிரிழந்ததையடுத்து, அவரது உடல் உறவினரிடம் ஒப்படைக்கப்பட்டது. இதனிடையே பிரேத பரிசோதனை அறிக்கையில், வெங்கடேஷ் கட்டையால் தாக்கப்பட்டு உயிரிழந்திருப்பது தெரியவந்தது. 

மனைவி உமாதேவி மீது சந்தேகம் அடைந்த காவல்துறையினர் அவரிடம் விசாரணை நடத்தியதில், கண‌வரை கட்டையால் தாக்கியதை ஒப்புக்கொண்டார். சம்பவத்தன்று வீட்டில் இருந்த மிக்ஸி காணாமல் போனது குறித்து உமாதேவி கேட்டதற்கு, அதனை விற்று தான் மது வாங்கி குடித்ததாக வெங்கடேசன்கூறியுள்ளார். இதனால் ஆத்தி‌ரமடைந்த உமாதேவி அருகில்‌ இருந்த கட்டையால் வெங்கடேசனை தாக்கியுள்ளார். விபத்து ஏற்பட்டதாக அருகில் இருந்தவர்களையும் நம்ப வைத்து வெங்கடேசனை மருத்துவமனையில் அனுமதித்துள்ளார். உண்மை சொன்னால் எங்கே மாட்டிக் கொள்வோமோ என்று எண்ணி அதனை மறைத்துள்ளார் உமாதேவி. கணவரை கொன்று நாடக‌மாடிய உமாதேவியை காவல்துறையினர் கைது செய்தனர்‌‌.

Advertisement:
இது தொடர்பான செய்திகள் :
Advertisement:
Advertisement:
[X] Close