[X] Close
JUST IN
  • BREAKING-NEWS நீட் தேர்வு ஆள்மாறாட்ட வழக்கில் சென்னை மருத்துவ மாணவரின் தந்தை சரவணனின் ஜாமீன் மனுவை தள்ளுபடி செய்தது உயர்நீதிமன்ற கிளை
  • BREAKING-NEWS மேயர் பதவிக்கான தேர்தலை மறைமுகமாக நடத்துவதற்கு அவசரச் சட்டம் கொண்டுவர தமிழக அமைச்சரவைக் கூட்டத்தில் முடிவு என தகவல்
  • BREAKING-NEWS உள்ளாட்சிகளில் உயர்த்தப்பட்ட சொத்துவரியை மறுபரிசீலனை செய்ய நிதித்துறை முதன்மை செயலாளர் தலைமையில் குழு அமைக்கப்பட்டுள்ளது - அமைச்சர் எஸ்.பி.வேலுமணி
  • BREAKING-NEWS சர்க்கரை ரேஷன் அட்டைகளை தகுதியின் அடிப்படையில் அரிசி ரேஷன் அட்டைகளாக மாற்றிக்கொள்ளலாம் - தமிழக அரசு
  • BREAKING-NEWS தூத்துக்குடி மக்களவை தேர்தல் வழக்கு: கனிமொழி தொடர்ந்த மனுவை தள்ளுபடி செய்தது சென்னை உயர்நீதிமன்றம்
  • BREAKING-NEWS ஒடிசாவில் நடிகர் கமல்ஹாசனுக்கு கவுரவ டாக்டர் பட்டம் வழங்கினார் முதல்வர் நவீன் பட்நாயக்
  • BREAKING-NEWS சென்னை ஐஐடி மாணவி பாத்திமா தற்கொலை தொடர்பாக விசாரணை நடத்த மத்திய குற்றப்பிரிவு காவல்துறையினர் கேரளா விரைகின்றனர்

இடைத்தேர்தல்: வேட்புமனுத் தாக்கல் இன்றுடன் நிறைவு

byelection-nominations-ends-today

நாங்குநேரி, விக்கிரவாண்டி தொகுதி இடைத்தேர்தலுக்கான வேட்புமனுத்தாக்கல் இன்றுடன் நிறைவடையும் நிலையில், அதிமுக, திமுக, காங்கிரஸ் வேட்பாளர்கள் இன்று வேட்புமனுத்தாக்கல் செய்கின்றனர்.

விக்கிரவாண்டி திமுக எம்.எல்.ஏ. ராதாமணி மறைவையொட்டி அத்தொகுதி காலியாக உள்ளது. இதேபோல, நாங்குநேரி தொகுதி காங்கிரஸ் எம்.எல்.ஏ.வாக இருந்த வசந்தகுமார், மக்களவைத் தேர்தலில் போட்டியிட்டு வெற்றி பெற்றதால், அந்த தொகுதியும் காலியாக உள்ளது. இந்த இரு தொகுதிகளிலும் வருகிற 21-ஆம் தேதி இடைத்தேர்தல் நடைபெறும் நிலையில், வேட்புமனுத்தாக்கல் இன்றுடன் நிறைவடைகிறது.

அதிமுக கூட்டணியில் இரு தொகுதிகளிலும் அதிமுகவே களம் இறங்குகிறது. விக்கிரவாண்டியில் விழுப்புரம் வடக்கு மாவட்ட காணை ஒன்றிய அதிமுக செயலாளர் முத்தமிழ்செல்வனும், நாங்குநேரியில், நெல்லை புறநகர் மாவட்ட எம்.ஜி.ஆர். மன்ற இணைச் செயலர் வெ.நாராயணனும் வேட்பாளர்களாக அறிவிக்கப்பட்டுள்ளனர். இவர்கள் இருவரும் இன்று வேட்புமனுத்தாக்கல் செய்கின்றனர்.

திமுக கூட்டணியில், விக்கிரவாண்டி தொகுதியில் விழுப்புரத்தைச் சேர்ந்த புகழேந்தி போட்டியிடுகிறார். நாங்குநேரி தொகுதி காங்கிரஸுக்கு ஒதுக்கப்பட்ட நிலையில், அங்கு ரூபி மனோகரன் போட்டியிடுகிறார். திமுக மற்றும் காங்கிரஸ் வேட்பாளர்களும் இன்று தங்கள் வேட்புமனுக்களை தாக்கல் செய்கின்றனர். விக்கிரவாண்டி தொகுதியில் நாம் தமிழர் கட்சி வேட்பாளர் கந்தசாமி, திரைப்பட இயக்குநர் கௌதமன் உள்பட 8 பேர் வேட்புமனு தாக்கல் செய்துள்ளனர். நாங்குநேரி தொகுதியில் சுயேச்சைகள் உள்பட 7 பேர் வேட்புமனு தாக்கல் செய்திருக்கின்றனர். வேட்புமனுக்கள் மீது நாளை பரிசீலனை நடைபெறுகிறது. மனுக்களை திரும்பப்பெற 3-ஆம் தேதி கடைசி நாளாகும். அன்று மாலை இறுதி வேட்பாளர் பட்டியல் வெளியிடப்படுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close