[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

10 ஆண்டுகள் இல்லாத கனமழை : அபாய நிலையில் கூடலூர்

heavy-rain-fallen-in-nilgiris-after-10-year

கூடலூரில் 10 ஆண்டுகளுக்குப் பின்னர் கொட்டித் தீர்க்கும் கனமழையால், ஏராளமான கிராமங்களில் தண்ணீர் சூழ்ந்துள்ளது. 

நீலகிரி மாவட்டம் கூடலூர் மற்றும் பந்தலூர் சுற்றுவட்டாரப் பகுதிகளில் தொடர்ந்து 4வது நாளாக கனமழை பெய்து வருகிறது. நேற்று ஒரே நாளில் மட்டும் கூடலூரில் 24.1 சென்டிமீட்டர் அளவுக்கு மழை பதிவாகியுள்ளது. தொடர்மழையால் கூடலூரில் உள்ள அனைத்து ஆறுகளிலும் வெள்ளப்பெருக்கு ஏற்பட்டுள்ளது. வெள்ளப்பெருக்கால் முதல் மைல், வேடன்வயல், இருவயல், தேன்வயல், மங்குழி உள்ளிட்ட பல்வேறு கிராமங்கள் தண்ணீரில் மூழ்கியுள்ளன. நூற்றுக்கணக்கான வீடுகளை வெள்ளம் சூழ்ந்துள்ளது. 

150க்கும் மேற்பட்டவர்கள் முகாம்களில் தங்க வைக்கப்பட்டுள்ளனர். பல இடங்களில் மரங்கள் சாய்ந்து பாதிப்புகள் ஏற்பட்டுள்ளது. மண்சரிவு காரணமாக பல வீடுகள் பாதிக்கப்பட்டுள்ளன. மழை தொடர்வதால் தரை பாலங்கள், ஆற்று நீரால் மூடப்பட்டு போக்குவரத்து துண்டிக்கப்பட்டுள்ளது. மீட்புப் பணிகளை வருவாய் துறையினர் முடுக்கி விட்டுள்ளார். முகாம்களில் தங்க வைக்கப்பட்டுள்ளவர்களுக்கு உணவு உள்ளிட்ட அடிப்படை வசதிகள் செய்யப்பட்டுள்ளன. 

கனமழை தொடர்வதால் மேலும் பல கிராமங்கள் தண்ணீரில் மூழ்கும் நிலை ஏற்பட்டுள்ளது. ஆற்றில் வெள்ளப்பெருக்கு அதிகரித்து கொண்டே வருகிறது. தொடர் கனமழையால் பொதுமக்களின் இயல்பு வாழ்க்கை கடுமையாக பாதிக்கப்பட்டுள்ளது. வெள்ளப்பெருக்கு ஏற்பட்ட பழங்குடி கிராமங்களில் வீடுகளில் இருந்து உடைகள் மற்றும் உடமைகள் தண்ணீரில் அடித்து செல்லப்பட்டன.

Advertisement:
இது தொடர்பான செய்திகள் :
Advertisement:
Advertisement:
[X] Close