[X] Close
JUST IN
  • BREAKING-NEWS தமிழகத்தின் 3 இடங்கள் உட்பட நாட்டின் 32 இடங்களில் ஹைட்ரோ கார்பன் எடுக்கும் திட்டத்திற்கு ஒப்பந்தம்
  • BREAKING-NEWS கொடைக்கானலில் ரூ.20 கோடியில் அடுக்குமாடி வாகன நிறுத்துமிடம் அமைக்கப்படும் அரசு போக்குவரத்துக் கழகங்களில் சோதனை முறையில் பொது இயக்கப்பயண அட்டை அறிமுகப்படுத்தப்படும் - போக்குவரத்துத்துறையில் புதிய அறிவிப்புகளை பேரவையில் அமைச்சர் எம்.ஆர். விஜயபாஸ்கர் வெளியிட்டார்
  • BREAKING-NEWS தமிழகம், புதுச்சேரியில் குறைந்த காற்றழுத்த தாழ்வு நிலையால் 3 நாட்களுக்கு மழை பெய்யும் - சென்னை வானிலை ஆய்வு மையம்
  • BREAKING-NEWS தமிழ் உள்ளிட்ட அனைத்து பிராந்திய மொழிகளிலும் அஞ்சல் துறை தேர்வுகள் நடத்தப்படும் - மாநிலங்களவையில் ரவிசங்கர் பிரசாத் அறிவிப்பு

நீட் தேர்வு மையங்களை திடீரென மாற்றுவதா?: வைகோ கண்டனம்

vaiko-condemn-for-neet-center-changes

தமிழகத்தில் நீட் தேர்வு மையங்கள் திடீரென மாற்றப்பட்டிருப்பதால் மாணவர்கள் அதிர்ச்சியும், குழப்பமும் அடைந்திருப்பதாக மதிமுக பொதுச் செயலாளர் வைகோ குற்றம்சாட்டியுள்ளார்.

இது குறித்து அவர் வெளியிட்டிருக்கும் அறிக்கையில், நீட் தேர்வு மையங்களை வெளிமாநிலங்களில் அமைப்பதற்கு கடும் எதிர்ப்பு எழுந்ததால், இந்த முறை தமிழகத்தில் உள்ள 14 நகரங்களில் தேர்வு மையங்களை சிபிஎஸ்இ அமைத்திருப்பதாகக் குறிப்பிட்டுள்ளார். இந்நிலையில் மீண்டும் மதுரையில் உள்ள 6 தேர்வு மையங்கள் உள்பட நாடு முழுவதும் 80-க்கும் மேற்பட்ட தேர்வு மையங்கள் திடீரென முன்னறிவிப்பு இல்லாமல் மாற்றப்பட்டிருப்பதாக வைகோ குற்றம்சாட்டியுள்ளார்.

நீட் தேர்வு நாளை நடைபெறவுள்ள நிலையில், தேர்வு மையங்களை திடீரென மாற்றி உள்ளதால் மாணவர்கள் அதிர்ச்சியும், குழப்பமும் அடைந்ததுடன், கடும் மன உளைச்சலுக்கு ஆளாகியுள்ளனர் என்றும் அவர் சாடியுள்ளார். இது, மருத்துவப் படிப்புகளில் தமிழக மாணவர்களை தேர்வு எழுத முடியாமல் வெளியேற்றுவதற்கான சதியோ என்றுதான் சந்தேகம் எழுகிறது என்றும் வைகோ குறிப்பிட்டுள்ளார். ஒவ்வொரு ஆண்டும் நீட் தேர்வில் இது போன்ற குளறுபடிகளை தேர்வை நடத்தும் சிபிஎஸ்இ செய்து வருவது கடும் கண்டனத்துக்குரியது என்றும் வைகோ தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close