[X] Close
JUST IN
  • BREAKING-NEWS சென்னை மாநகரத்தின் அரசியல் மற்றும் கலாசார வரலாற்றை பற்றி பல புத்தகங்களை எழுதிய புகழ்பெற்ற எழுத்தாளர் மற்றும் பத்திரிகையாளரான எஸ்.முத்தையா காலமானார்
  • BREAKING-NEWS பிரதமர் மோடி பற்றி 5 பகுதிகளை கொண்ட Modi-Journey of a Common Man என்ற வெப் சீரிஸ் தொடரை நிறுத்த ஈராஸ் நவ் நிறுவனத்துக்கு தேர்தல் ஆணையம் உத்தரவு
  • BREAKING-NEWS 4 தொகுதி சட்டப்பேரவை தேர்தல் பிரசாரத்தை மே 1ம் தேதி ஒட்டப்பிடாரத்தில்(தனி) தொடங்குகிறார் திமுக தலைவர் மு.க.ஸ்டாலின்
  • BREAKING-NEWS ராகுல் காந்திக்கு ஆதரவாக கேரள மாநிலம் வயநாட்டின் மானந்தவாடி பகுதியில் இன்று பிரியங்கா காந்தி வதேரா வாக்கு சேகரிப்பு
  • BREAKING-NEWS பொன்னமராவதி சம்பவத்தால் அசம்பாவிதம் நிகழாமல் தடுக்க புதுக்கோட்டை மாவட்டம் முழுவதும் இன்று டாஸ்மாக் கடைகளை மூட ஆட்சியர் உமா மகேஸ்வரி உத்தரவு
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக

தனிநபர் தாக்குதலில் ஈடுபட வேண்டாம் - முதல்வர், ஸ்டாலினுக்கு நீதிபதி அறிவுறுத்தல்

high-court-condemned-to-edappadi-and-stalin

கோடநாடு விவகாரம் தொடர்பாக முதலமைச்சரும் ஸ்டாலினும் தனிநபர் தாக்குதலில் ஈடுபட வேண்டாம் என உயர்நீதிமன்றம் அறிவுறுத்தியுள்ளது. 

கோடநாடு கொலை கொள்ளை வழக்கில் தமிழக முதலமைச்சர் எடப்பாடி பழனிசாமிக்கு தொடர்பு இருப்பதாக திமுக தலைவர் ஸ்டாலின் கூறிவருவதாக அவர் மீது தமிழக அரசு அவதூறு வழக்கு தொடர்ந்தது. இந்த அவதூறு வழக்கு விசாரணைக்கு தடை விதிக்க வேண்டும் என ஸ்டாலின் வழக்கு தொடர்ந்திருந்தார். அந்த வழக்கை விசாரித்த நீதிமன்றம் ஸ்டாலின் மீதான விசாரணைக்கு தடை விதித்து உத்தரவிட்டது. 

இதையடுத்து, இந்த தடையை நீக்க வேண்டும் எனக் கோரி தமிழக அரசு சார்பில் உயர்நீதிமன்றத்தில் மனு ஒன்று தாக்கல் செய்யப்பட்டது. அந்த மனு மீதான விசாரணை கடந்த வெள்ளிக்கிழமை நடைபெற்ற போது தொடர்ந்து ஸ்டாலின் அவதூறாக பேசி வருவதாகவும் அதை நிறுத்தாவிட்டால் தடையை நீக்கி வழக்கை சந்திக்க வேண்டி வரும் எனவும் நீதிபதி தெரிவித்திருந்தார். மேலும் ஸ்டாலின் குறித்து எடப்பாடியும், முதலமைச்சர் குறித்து ஸ்டாலினும் பேசியது குறித்து அறிக்கை தாக்கல் செய்யவும் உத்தரவிட்டிருந்தார். 

இந்நிலையில், இந்த வழக்கு இன்று மீண்டும் விசாரணைக்கு வந்தது. அப்போது, ஸ்டாலின் முதல்வர் குறித்து பேசிய வீடியோ ஆதாரங்கள் நீதிமன்றத்தில் சமர்பிக்கப்பட்டன. அதேபோல் ஸ்டாலின் குறித்து முதல்வர் பேசியதையும் நீதிபதி முன் எடுத்துரைக்கப்பட்டது. இருதரப்பு வாதங்களையும் பதிவு செய்து கொண்ட நீதிபதி இளந்திரையன், கோடநாடு விவகாரம் தொடர்பாக முதலமைச்சரும் ஸ்டாலினும் தனிநபர் தாக்குதலில் ஈடுபட வேண்டாம் என அறிவுத்தியுள்ளார். இறுதி வாதத்திற்கு புதன்கிழமை வழக்கை நீதிபதி ஒத்தி வைத்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close